The news is by your side.

Advertisement

‘شہباز شریف مودی اور راناثنا اللہ امیت شاہ بن چکا ہے’

اسلام آباد : تحریک انصاف کے رہنما فرخ حبیب کا کہنا ہے کہ شہبازشریف مودی اور راناثنااللہ امیت شاہ بن چکاہے، جوکرنا ہے کرلیں یہ حقیقی آزادی مارچ اب رکنےوالا نہیں ہے۔

تفصیلات کے مطابق تحریک انصاف کے رہنما فرخ حبیب نے حقیقی آزادی مارچ کے موقع پر پولیس کی شیلنگ اور کارکنان کی گرفتاریوں پر میڈیا سے گفتگو کرتے ہوئے کہا کہ راناثنااللہ کا پلان منظرعام پر آچکا ہے، فوٹیجز سامنے آگئی ہیں، کالعدم تنظیموں کے دہشت گردوں کا تعلق راناثنااللہ کیساتھ ہیں۔

پولیس کی یاسمین راشد سے بد تمیزی پر فرخ حبیب کا کہنا تھا کہ راناثنااللہ کی کمانڈ میں یاسمین راشد کی گاڑی پر حملہ کیاگیا اور راناثنااللہ کے حکم پر نقاب پوش مسلح لوگ بدامنی پھیلا رہے ہیں، راستے میں خون خرابے کی کوشش کی گئی تو ذمہ دار راناثنااللہ ہوں گے۔

موجودہ صورتحال کے حوالے سے رہنما پی ٹی آئی نے کہا ایسا لگ رہاہے شہبازشریف مودی اور راناثنااللہ امیت شاہ بن چکاہے، جوکرنا ہے کرلیں یہ حقیقی آزادی مارچ اب رکنےوالا نہیں ہے۔

ان کا مزید کہنا تھا کہ غیرقانونی احکامات پرعملدرآمد کیاگیا تو انتظامیہ کا احتساب ہوگا، خواتین، وکلا اورڈاکٹرز پر بھی تشدد کیاگیا ہے، پوراپاکستان کنٹینرز لگا کر بند کردیاگیا ہے، پورا پاکستان بند کرکے آپ نے آزادی مارچ کامیاب بنا دیا ہے۔

Comments

یہ بھی پڑھیں