The news is by your side.

Advertisement

نوازشریف ،فضل الرحمان ،زرداری نے حاصل بزنجو کو اوپرچڑھا کر سیڑھی کھینچ لی، فرخ حبیب

بہت سارے لوگوں کوجیل جاتا دیکھ رہاہوں،فرخ حبیب

فیصل آباد: وفاقی پارلیمانی سیکریٹری ریلوے فرخ حبیب نے کہا سینیٹرز نے اپنے ضمیر کی آواز کے مطابق ووٹ دیے، حاصل بزنجو چیئرمین سینیٹ کی شیروانی سلواکر بیٹھے تھے، نوازشریف ،فضل الرحمان ،زرداری نے حاصل بزنجو کو اوپرچڑھا کر سیڑھی کھینچ لی۔

تفصیلات کے مطابق فیصل آباد میں وفاقی پارلیمانی سیکریٹری ریلوے فرخ حبیب نے میڈیا سے بات چیت کرتے ہوئے کہا عمران خان نےحلف اٹھاتے ہی پاکستان کے پسےطبقے کی بات کی، اس وقت ریاست ماں کےجیسا کردار ادا کر رہی ہے۔

،فرخ حبیب کا کہنا تھا گزشتہ دنوں کرپٹوں کا ٹولہ اکٹھا ہوا تھا، تحریک عدم اعتماد پر اپنے ہی 14 سینیٹروں نےعدم اعتماد کااظہار کیا، پاکستانی عوام ان کے ساتھ ہیں نہ ہی ان کے سینیٹرز ، سینیٹرز نے اپنے ضمیر کی آواز کے مطابق ووٹ دیے۔

سینیٹرز نے اپنے ضمیر کی آواز کے مطابق ووٹ دیے

وفاقی پارلیمانی سیکریٹری نے کہا مریم نواز نیب سےکہتی ہیں پیسہ کہاں سےآیا یہ دادا سے پوچھو، نواز شریف جیل میں بیٹھ کر نیلسن منڈیلا بننا چاہتے تھے، اب تو چوروں سے لوٹا مال واپس لیا جا رہا ہے، پانامہ رانی آج کل جلسیاں اور کانر میٹنگز کر رہی ہیں۔

رہنما پی ٹی آئی کا کہنا تھا حاصل بزنجو چیئرمین سینیٹ کی شیروانی سلواکر بیٹھے تھے، بزنجو کونواز شریف، فضل الرحمان اورزرداری سے پوچھنا چاہیے، نوازشریف ،فضل الرحمان ،زرداری نے اوپرچڑھا کر سیڑھی کھینچ لی۔

پانامہ رانی آج کل جلسیاں اور کانر میٹنگز کر رہی ہیں

انھوں نے مزید کہا کہ بہت سارے لوگوں کوجیل جاتا دیکھ رہاہوں، ہو سکتا ہے نارووال ایکسپریس کو بھی جیل جانا پڑے، دیکھتے ہیں کب رانا ثنااللہ کیس کا فیصلہ ہوتاہے پھر فیصل آباد والے نیا الیکشن دیکھیں گے۔

Comments

comments

یہ بھی پڑھیں