The news is by your side.

Advertisement

وزیراعظم اور ان کی معاشی ٹیم کی کامیاب حکمت عملی کے ثمرات نمایاں ہونے لگے

اسلام آباد : وزیر مملکت فرخ حبیب نےٹیکس وصولیوں کا ہدف عبور کرنے کو خوش آئند قرار دیتے ہوئے کہا کہ اگست2021 میں 434ارب کا ریونیو جمع ہوا جو ہدف سے 85ارب زیادہ ہے۔

تفصیلات کے مطابق وزیر مملکت فرخ حبیب نے سماجی رابطے کی ویب سائٹ ٹوئٹر پر اپنے پیغام میں کہا کہ وزیراعظم اور ان کی معاشی ٹیم کی کامیاب حکمت عملی کےثمرات آنے لگے، 22-2021کےآغاز سے ہی ٹیکس وصولیوں کاہدف عبورکرنا خوش آئندہے، اگست2021 میں 434ارب کا ریونیو جمع ہوا جو ہدف سے 85ارب زیادہ ہے جبکہ 2020گزشتہ سال میں300ارب کا ٹیکس جمع ہوا تھا۔

فرخ حبیب کا کہنا تھا کہ جولائی تا اگست 2021دوماہ میں 850ارب کا ریونیو اکٹھا کیا گیا، 2020جولائی تااگست میں 603 ارب کا ریونیو جمع ہوا تھا، 22-2021کےپہلے2ماہ میں ٹیکس وصولیوں میں 41فیصد اضافہ ہوا۔

وزیر مملکت نے مزید کہا کہ ن لیگ دور میں مصنوعی اعدادوشمارجاری کئےجاتےتھے، ہم نے گزشتہ مالی سال میں364ارب کے ریفنڈ دیئےگئے ، اسمگلنگ روک تھام سمیت دیگر اقدامات سے ٹیکس نیٹ میں اضافہ ہوا۔

Comments

یہ بھی پڑھیں