The news is by your side.

Advertisement

پہلی بار بلا ضمانت 10 ملین تک کا قرضہ ، کاروباری افراد کیلئے بڑی خبر

اسلام آباد : وزیر مملکت فرخ حبیب کا کہنا ہے کہ پہلی باربلاضمانت 10 ملین تک کاآسان فنانس سکیم کے تحت قرض مل سکے گا اور اس سکیم سے نئے ایس ایم ایز استفادہ حاصل کرسکیں گے۔

تفصیلات کے مطابق وزیر مملکت فرخ حبیب نے سماجی رابطے کی ویب سائٹ ٹوئٹر پر اپنے پیغام میں کہا کہ وزیراعظم کاروبار میں آسانیاں پیدا کرنےکے لیے پر عزم ہیں اور ساتھ ہی چھوٹےاوردرمیانے درجے کی صنعتوں کا فروغ چاہتےہیں، پہلی باربلاضمانت 10 ملین تک کاآسان فنانس سکیم کے تحت قرض مل سکے گا، ایس ایم ایز کانجی شعبہ میں کل قرض کا حصہ صرف 6.6 فیصد ہے۔

فرخ حبیب کا کہنا تھا کہ ایس ایم ایزکو25 فیصد کی بجائے زیادہ سے زیادہ 9فیصد پر قرض مل سکے گا، 40 سے 60 فیصد رسک کوریج حکومت پاکستان کررہی ہے، اس سکیم سے نئے ایس ایم ایز استفادہ حاصل کرسکیں گے، ملک میں مجموعی معاشی سرگرمیوں میں تیزی آئے گی، سیمڈاکے مطابق ایس ایم ایز جی ڈی پی کا 40فیصد ہے اور برآمدات سےآمدن میں 25 فیصد حصہ ہوسکتا ہے۔

خیال رہے گذشتہ روز بینک دولت پاکستان نے چھوٹے اور درمیانے کاروبار (ایس ایم ایز) کی مالکاری تک رسائی بہتر بنانے ‏کے لیے حکومت پاکستان کی شراکت سے ایس ایم ای آسان فنانس (صاف) ‏اسکیم متعارف کرائی تھی ، جس کا واضح مقصد ‏ان کاروباری اداروں کو سہولت پہنچانا ہے جو بینک قرضوں تک رسائی کے لیے ضمانت؍رہن پیش ‏نہیں کرسکتے۔

Comments

یہ بھی پڑھیں