The news is by your side.

Advertisement

کرونا میں غیر معمولی خدمات پر حکومت نے سول ایوارڈ کا فیصلہ کیا ہے: فرخ حبیب

فیصل آباد: پارلیمانی سیکریٹری فرخ حبیب نے کہا ہے کہ میں کرونا وبا کے خلاف شہید ڈاکٹروں کو خراج عقیدت پیش کرتا ہوں، حکومت نے کرونا میں غیر معمولی خدمات انھیں پر سول ایوارڈ دینے کا فیصلہ کیا ہے۔

اے آر وائی نیوز کے مطابق فرخ حبیب نے اپنے بیان میں کہا ہے کہ وزیر اعظم نے تمام صوبوں سے ہیلتھ سے متعلق تفصیلات مانگی ہیں، وبا کے دوران غیر معمولی خدمات پر حکومت نے سول ایوارڈ دینے کا فیصلہ کر لیا ہے۔

انھوں نے کہا کہ وبا کے دوران میڈیا نے بھی سخت حالات میں فرائض انجام دیے۔

دریں اثنا، پارلیمانی سیکریٹری ریلوے فرخ حبیب نے ڈی ایچ کیو اسپتال فیصل آباد کا دورہ کیا، اس موقع پر انھوں نے کہا کہ کرونا وبا میں ڈاکٹرز، پیرا میڈیکس نے فرنٹ لائن سولجرز کا کردار ادا کیا ہے، حکومت نے فیصلہ کیا ہے کہ ہیلتھ سیکٹر کو اپ گریڈ کیا جائے۔

اپوزیشن پر تنقید کرتے ہوئے انھوں نے کہا کہ شریف فیملی کا علاج صرف لندن کے ایون فیلڈ فلیٹس میں ہو سکتا ہے، 40 سال اقتدار میں رہنے والے 1 اسپتال نہ بنا سکے جس میں ان کا علاج ہو سکے۔

فرخ حبیب نے کہا کہ پہلے ان لوگوں نے کراچی کا امن تباہ کیا، اب سندھ کے لوگ بارش کے پانی میں ڈوب رہے ہیں، سندھ میں ایک پرچی چیئرمین کی حکومت ہے۔

Comments

یہ بھی پڑھیں