The news is by your side.

Advertisement

حکومت کا ‘لانگ مارچ’ ناکام بنانے کا منصوبہ ، تحریک انصاف نے بڑا اعلان کردیا

اسلام آباد : تحریک انصاف کے رہنما فرخ حبیب نے اعلان کیا ہے کہ آزادی مارچ ہر صورت اسلام آباد پہنچے گا، یہ فاشسٹ حکومت ہے اپنا شوق پورا کرلے۔

تفصیلات کے مطابق تحریک انصاف کے رہنما فرخ حبیب نے حکومت کی جانب سے لانگ مارچ ناکام بنانے کے فیصلے پر اے آر وائی نیوز سے خصوصی گفتگو کرتے ہوئے کہا کہ حکومت خوفزہ ہے ان کا پاس کسی قسم کا مینڈیٹ نہیں‌۔

فرخ حبیب کا کہنا تھا کہ لانگ مارچ کیخلاف اقدامات خوف کی علامت ہے، آزادی مارچ ہر صورت اسلام آباد پہنچے گا، یہ فاشسٹ حکومت ہے اپنا شوق پورا کرلے۔

رہنما پی ٹی آئی نے کہا کہ عمران خان کی کال پر25مئی کو پوراپاکستان اسلام آبادپہنچے گا، فوری انتخابات سیاسی اورمعاشی استحکام کیلئے ضروری ہیں۔

ان کا کہنا تھا کہ پرامن احتجاج ہمارا جمہوری اور آئینی حق ہے، اس حکومت کے اقدامات سے ان کی بوکھلاہٹ نظرآرہی ہے، یہ حکومت ملک میں امن نہیں چاہتی ، خانہ جنگی کی طرف لیکر جارہی ہیں۔

Comments

یہ بھی پڑھیں