The news is by your side.

Advertisement

پاکستان تحریکِ انصاف کے 3 سال مکمل ، عمران خان حکومت کی کامیابیاں اور اقدامات

اسلام آباد : وزیرمملکت اطلاعات فرخ حبیب نے حکومت کے تین سال مکمل ہونے پر اقدامات کے حوالے سے بتاتے ہوئے کہا وزیراعظم کی پالیسیوں  سے ملک ترقی اور عوام خوشحالی کی شاہراہ پر گامزن ہے۔

تفصیلات کے مطابق وزیرمملکت اطلاعات فرخ حبیب نے حکومت کے3سال مکمل ہونے پر اپنے بیان میں کہا کہ آج پاکستان تحریک انصاف حکومت کے تین سال مکمل ہوچکے ہیں، وزیراعظم عمران خان کی قیادت میں فلاحی ریاست کے قیام کی طرف گامزن ہیں۔

فرخ حبیب کا کہنا تھا کہ پہلی مرتبہ ملک گیر سطح پر پناہ گاہیں اور لنگر خانے قائم کیے گئے ہیں، ماحولیاتی تبدیلیوں کے اثرکو کم کرنے کیلئےشجر کاری مہم کا اعتراف دنیا کررہی ہے۔

وزیر مملکت نے کہا کہ وزیراعظم کی پالیسیوں سےملک ترقی اور عوام خوشحالی کی شاہراہ پر گامزن ہے، پی ٹی آئی حکومت احتجاج، دھرنوں، استعفوں اور دھمکیوں سے نہیں گھبرائی۔

انھوں نے بتایا کہ ہمیں حکومت ملی تو ملک معاشی طور پر ڈیفالٹ کے دہانے پر تھا، عمران خان کی معاشی ٹیم کی محنت سے ہر سال جی ڈی پی میں بہتری لائے، گزشتہ مالی سال میں جی ڈی پی4فیصد تھی، آج ملکی برآمدات25.3ارب ڈالر ہیں۔

معاشی کامیابیوں کے حوالے سے فرخ حبیب نے کہا کہ برآمدات اورترسیلات زر3سالوں کی بلند ترین سطح پر کھڑی ہیں، پہلی مرتبہ آئی ٹی برآمدت2 ارب ڈالر سے زائد ہوئیں، کامیاب جوان پروگرام کے تحت13ہزارنوجوانوں میں رقم تقسیم کی گئی۔

وزیر مملکت کا کہنا تھا کہ اب تک20ہزارکم آمدن ہاؤسنگ یونٹس مکمل ہوچکے ہیں جبکہ صحت انصاف کارڈ ہماری حکومت کا فلیگ شپ منصوبہ ہے۔

Comments

یہ بھی پڑھیں