The news is by your side.

Advertisement

شہباز اسپیڈ کے 60 روز کی کارکردگی رپورٹ جاری

اسلام آباد : تحریک انصاف کے رہنما فرخ حبیب نے شہباز اسپیڈ کے 60 روز کی کارکردگی رپورٹ جاری کردی۔

تفصیلات کے مطابق تحریک انصاف کے رہنما فرخ حبیب نے سماجی رابطے کی ویب سائٹ ٹوئٹر پر نے شہباز حکومت کی 60 روزہ کارکردگی رپورٹ جاری کردی۔

فرخ حبیب نے بتایا کہ ڈالر کی ڈبل سنچری، روپیہ کی قدرمیں25 روپے کمی، پٹرولیم مصنوعات میں60 روپے اضافہ، آٹا گھی بھی مہنگا جبکہ بجلی فی یونٹ8 روپے ، گیس45 فیصد مہنگی اور لوڈ شیڈنگ 8 سے 12 گھنٹے ہوگئی۔

رہنما پی ٹی آئی کا کہنا تھا کہ شہباز اسپیڈ 60 روز ،5 غیر ملکی دورے 11 روز پاکستان سے باہر گزارے، وزیراعظم ہاؤس میں دعوتیں اور کھابےچل رہےہیں۔

انھوں نے کہا کہ ای سی ایل میں سے اپنی کابینہ کے لوگوں کے نام نکال دئیے ،ایف آئی اے ڈائریکٹر ،تفتیشی اور اسپیشل پراسیکوٹر تبدیل کردیئے اور ساتھ ہی نیب قانون میں ترامیم،نواز، شہباز، مریم، زرداری کے کیس ختم کردیئے ،این آراوٹو۔

Comments

یہ بھی پڑھیں