پاکستان تحریک انصاف کے رہنما فرخ حبیب نے کہا ہے کہ اگر عمران خان نے 5 ایم این ایز خریدے ہوتے تو آج چور ڈاکو جیل میں ہوتے۔
پی ٹی آئی رہنما فرخ حبیب نے پارٹی چیئرمین اور سابق وزیراعظم عمران خان کی نئی آڈیو لیک پر سماجی رابطوں کی ویب سائٹ پر اپنے ردعمل کا اظہار کیا ہے۔
فرخ حبیب نے اپنے ٹوئٹ میں کہا ہے کہ آڈیو ایڈٹ کرکے اور مختلف حصے جوڑ کر این آر او 2 سے توجہ نہیں ہٹائی جا سکتی اور نہ ہی امپورٹڈ حکومت کی ناکام کارکردگی سے توجہ نہیں ہٹائی جاسکتی ہے۔
پی ٹی آئی رہنما نے مزید کہا کہ عمران خان نے 5 ایم این ایز خریدے ہوتے تو آج چور ڈاکو جیل میں ہوتے، لیکن وفاقی اور صوبائی حکومتیں ہونے کے باوجود عمران خان نے کبھی ایسا کام نہیں کیا۔
فرخ حبیب نے اپنے ٹوئٹ کے اختتام پر عوام کو پیغام دیا کہ وہ مارچ کے لیے تیار رہیں۔
انہوں نے اپنے ایک اور ٹوئٹ میں کہا کہ وفاق اور پنجاب میں سارے لوٹے اور ضمیر فروش تو سندھ ہاؤس میں خرید کر زرداری اور شہباز نے جمع کرلیے تھے، عدم اعتماد کی سازش کامیاب کرنے میں پیسے کا اندھا دھند استعمال کرنے والے جعلی آڈیو لیکس پر بھنگڑے ڈال رہے ہیں لیکن بہت جلد عوامی طاقت سے چور حکمرانوں کا پکا علاج کرنے والے ہیں۔
وفاق اور پنجاب میں سارے لوٹے اور ضمیر فروش سندھ ہاؤس میں خرید کر زرداری اور شہاز نے جمع کرلئے تھے
عدم اعتماد کی سازش کامیاب کرنے میں اندھا دھند پیسہ کا استعمال کرنے والے جعلی آڈیو لیکس پر بھنگڑے ڈال رہے ہے
بہت جلد عوامی طاقت سے چور حکمرانوں کا پکا علاج کرنے والے ہے۔ https://t.co/bdXztByMUE— Farrukh Habib (@FarrukhHabibISF) October 7, 2022