توشہ خانہ کے تحائف سے متعلق مریم نواز کے ٹویٹ پر پی ٹی آئی رہنما فرخ حبیب کا ردعمل آگیا۔
اے آر وائی نیوز کے مطابق مسلم لیگ ن کی مرکزی نائب صدر مریم نواز نے ٹویٹر پر عمران خان پر تنقید کرتے ہوئے لکھا تھا کہ میرے تحائف میرے مرضی نہیں، حساب تو دینا پڑے گا۔
مریم نواز نے لکھا تھا کہ تحفے بھی ریاست کے اور مرضی بھی ریاست کی چلے گی۔
لیگی نائب صدر نے مزید لکھا کہ آنکھیں کھول لو اب تمہاری دھونس نہیں چلے گی، تمہاری جعلی حکومت اور تمہارا مستقبل دونوں ختم ہوگئے اب حساب تو دینا پڑے گا۔
تمھارا تحفہ تمھاری مرضی نہیں۔ تحفے بھی ریاست کے، مرضی بھی ریاست کی ! اب تمھاری دھونس نہیں چلے گی! آنکھیں کھول لو، تمھاری جعلی حکومت اور تمھارا مستقبل، دونوں ختم ! حساب تو دینا پڑے گا انشاءاللّہ !
— Maryam Nawaz Sharif (@MaryamNSharif) April 18, 2022
اب پی ٹی آئی رہنما نے ان کے بیان پر ردعمل دیتے ہوئے کہا ہے کہ بی ایم ڈبلیو گاڑی کا جواب دو، بی ایم ڈبلیو گاڑی توشہ خانہ سے معمولی قیمت پر لے گئے تھے۔
ان کا کہنا تھا کہ توشہ خانہ پر نوازشریف کا فرمان پڑھ لوجو فواد حسن فواد نےجاری کیا تھا جس میں لکھا تھا کہ توشہ خانہ پر انفارمیشن پبلک کرنے سےمیڈیا ہائپ بنے گی، لکھا گیا بیرون ممالک سے تعلقات خراب ہوسکتے اور ملک کا مفاد خراب ہوگا۔
BMW کا جواب دوتوشہ خانہ سے معمولی قیمت پر گھر لے گے تھے
توشہ خانہ سے متعلق نواز شریف کا فرمان پڑھ لو جو فواد حسن فواد نے جاری کیا لکھا ہے توشہ خانہ سے متعلق انفارمیشن پبلک کرنے سے میڈیا hypeبنے گی بیرون ممالک سے تعلقات خراب ہوسکتے اور ملک کا مفاد خراب ہوگا#امپورٹڈ_حکومت_نامنظور https://t.co/myzF6aq8xQ pic.twitter.com/DKQkEUA01n— Farrukh Habib (@FarrukhHabibISF) April 18, 2022