The news is by your side.

Advertisement

فریال محمود کی سوشل میڈیا پر دوبارہ انٹری

کراچی : سوشل میڈیا سے کچھ روز کےلیے روپوشی کے بعد اداکارہ فریال محمود نے مداحوں کی خواہش پر دوبارہ انسٹاگرام پر انٹری دے دی۔

پاکستانی شوبز انڈسٹری کی خوبصورت اداکارہ فریال محمود نے تنقید کے باعث سوشل میڈیا سے بریک لے لیا تھا لیکن اب مداحوں کے مسلسل پیغامات موصول ہونے کے بعد دوبارہ ویڈیو و تصویر شیئرنگ ایپلی کیشن انسٹاگرام پر واپس آگئی ہیں۔

انہوں نے کہا کہ مجھے مداحوں کے پیغامات سے اندازہ ہوا کہ میرے چاہنے والوں نے مجھے کتنا یاد کیا لیکن میں بتاتی چلوں کہ مجھے کچھ چیزوں کو ترتیب دینا تھا اسی لیے میں انسٹاگرام سے روپوش ہوگئی۔

اداکارہ نے دیگر اداکاراؤں کو بھی اپنی گفتگو کا حصہ بناتے ہوئے کہا کہ میں دیگر فنکاروں کی طرح کوئی سیاسی اداکار نہیں، میرا اپنا نظریہ ہے، میں اپنی ایک رائے رکھتی ہوں، اپنی الگ شخصیت کی مالک ہوں مجھے اظہار رائے کرتے ہوئے خوف محسوس نہیں کرتا۔

فریال محمود نے مزید کہا کہ مجھے کسی عام شخص کی طرح گھومنا پھرنا پسند ہے، مذاق کرنا پسند ہے لیکن لوگ میرے مذاق کو غلط سمجھتے ہیں۔

انہوں نے اپنے مداحوں کا شکریہ ادا کیا جنہوں نے مجھ میں آئی تبدیلی کو قبول کیا، میں کوشش کرتی ہوں کہ اپنے اندر مزید بہتری لائی لاؤں گی۔

Comments

یہ بھی پڑھیں