faryal-talpur آصف زرداری نے پاکستان کا آئین اصل صورت میں بحال کیا، فریال تالپور
The news is by your side.

Advertisement

آصف زرداری نے آئین پاکستان اصل صورت میں بحال کیا، فریال تالپور

اسلام آباد : پیپلز پارٹی خواتین ونگ کی صدر فریال تالپور نے کہا ہے کہ سابق صدر آصف علی زرداری نے 1973 کا آئین اصل صورت میں بحال کیا، جیل میں طویل عرصہ اسیر رہنے کے باوجود اصولوں پر ثابت قدم رہے، اقتصادی راہداری آصف زرداری کا وژن ہے۔

ان خیالات کا اظہار انہوں نے اسلام آباد میں آصف زرداری کی سالگرہ تقریب سے خطاب کرتے ہوئے کیا، فریال تالپور نے کہا کہ پارلیمنٹ کو خود مختار کرکے آصف زرداری نے بینظیر بھٹو کا مشن پورا کیا۔

صوبوں کی خود مختاری سے شہید ذوالفقار علی بھٹو کے وعدے کی تکمیل ہوئی، آصف زرداری نے سوات میں قومی پرچم لہرا کر وعدے کو پورا کیا، گلگت بلتستان اور کے پی کے عوام کو شناخت بھی آصف زرداری نے دی۔


مزید پڑھیں: ذوالفقارمرزا کی بیان بازی، فریال تالپور سندھ ہائیکورٹ پہنچ گئیں


انہوں نے بتایا کہ پاک چین اقتصادی راہداری آصف زرداری کا وژن ہے، آصف زرداری نے طویل قید کاٹی لیکن پھر بھی اصولوں پر ثابت قدم رہے۔

Comments

comments

یہ بھی پڑھیں