اسلام آباد: اڈیالہ جیل میں قید فریال تالپور جب اسلام آباد پہنچیں، تو پولیس اور جیل کا عملہ وہاں موجود نہیں تھا.
تفصیلات کے مطابق قانون نافذ کرنے والے اداروں کی غفلت کا ایک اور واقعہ سامنا آگیا، پروڈکشن آرڈرز ختم ہونے کے بعد جب فریال تالپور اسپتال پہنچیں، تو جیل کا عملہ موجود نہیںتھا.
پاکستان پیپلز پارٹی کی رہنما ذاتی گاڑی میں اسلام آباد ایئرپورٹ سے اڈیالہ جیل روانہ ہوئیں، اس موقع پر پی پی رہنما سہیل انور سیال ان کے ساتھ تھے.
پی پی رہنما فریال تالپور کل اسلام آباد احتساب عدالت میں پیش ہوں گی۔
مزید پڑھیں: جعلی اکاؤنٹس کیس :آصف زرداری اور فریال تالپور کے جوڈیشل ریمانڈ میں 5 ستمبرتک توسیع
خیال رہے کہ پی پی رہنما اور آصف علی زرداری کی بہن فریال تالپور جعلی اکاؤنٹ کیس میں گرفتار ہیں.
پروڈکشن آرڈرز جاری ہونے کے بعد انھیں رہا کیا گیا اور انھوں نے سندھ اسمبلی کے اجلاس میں شرکت کی.
البتہ جب وہ اسلام آباد ایئرپورٹ پہنچیں، تو حیران کن طور پر وہاںپولیس اہل کار موجود نہیں تھے.
اے آر وائی نیوز کی ڈیجیٹل ڈیسک کی جانب سے شائع کی گئی خبریں