ایشیا کپ میں بھارت کے خلاف اہم میچ سے قبل قومی ٹیم کو ایک اور دھچکا لگ گیا۔
ایشیا کپ ٹی 20 ٹورنامنٹ میں قومی ٹیم اپنا پہلا میچ 28 اگست کو روایتی حریف بھارت کے خلاف کھیلے گی جس کے لیے ٹیمیں متحدہ عرب امارات میں پریکٹس سیشن میں مصروف ہیں۔
ٹریننگ سیشن کے دوران پاکستان کرکٹ ٹیم کے فاسٹ بولر وسیم جونیئر کو کمر درد کی شکایت ہوئی۔
Update:@Wasim_Jnr got back pain while bowling. He is sent to Hospital for MRI.#PakistanCricket #WasimJunior #PakVsInd
— Qadir Khawaja (@iamqadirkhawaja) August 25, 2022
ٹیم منیجمنٹ کے مطابق نوجوان فاسٹ بولر کو ایم آر آئی کیلئے اسپتال بھجوادیا گیا ہے رپورٹ آنے کے بعد کوئی فیصلہ کیا جاسکے گا۔
واضح رہے کہ شاہین شاہ آفریدی پہلے ہی انجری کی وجہ سے ٹیم سے باہر ہیں جن کی جگہ محمد حسنین کو شامل کیا گیا ہے۔
ایشیا کپ کا آغاز 27 اگست سے ہوگا جبکہ پاکستان اپنا پہلا میچ روایتی حریف بھارت کیخلاف 28 اگست کو کھیلے گا۔