انگلینڈ کے جارحانہ اوپنر جیسن روئے نے پی ایس ایل 7 کے اپنے پہلے میچ میں شاندار سنچری بنا کر حریفوں کے لیے خطرے کی گھنٹی بجا دی۔
جیسن روئے نے لاہور قلندرز کے مضبوط بولنگ اٹیک کے خلاف زبردست لاٹھی چارج کرتے ہوئے صرف 49 گیندوں پر سنچری بنا کر نہ صرف ٹیم کو فتح سے ہمکنار کیا بلکہ کپتان سرفراز احمد کے اداس چہرے پر خوشیاں بھی بکھیر دیں۔
https://twitter.com/thePSLt20/status/1490726641345069056?s=20&t=InxwhoRIbVWYV7lMlg-sqg
شاہین آفریدی، حارث رؤف اور راشدخان جیسے خطرناک بولرز کو خاطر میں نہ لاتے ہوئے روئے نے پی ایس ایل کی تاریخ میں تیز ترین سنچری بنانے والے دوسرے بلے باز کا اعزاز بھی اپنے نام کر لیا۔
116رنز کی دھواں دھار باری کھیلنے والے جیسن روئے اب تک پی ایس ایل میں سب سے بڑی انفرادی اننگز کھیلنے والے چوتھے بلے باز بن گئے ہیں۔
دائیں ہاتھ کے بلے باز کا فاسٹ بولر شاہین آفریدی کو آگے بڑھ کر لگایا گیا زوردار چھکا پی ایس ایل کا یادگار بن گیا۔
https://twitter.com/thePSLt20/status/1490731128071733251?s=20&t=InxwhoRIbVWYV7lMlg-sqg
