The news is by your side.

Advertisement

فاٹا الیکشن : حکومت نے قبائلی عوام سے کیا ہوا ایک اور وعدہ پورا کردیا، عثمان بزدار

لاہور : وزیراعلیٰ پنجاب سردارعثمان بزدار نے کہا ہے کہ حکومت نے خیبر پختونخوا میں شامل قبائلی اضلاع میں پرامن انتخابات کروا کر اپنا ایک اور وعدہ پورا کردیا، ملکی کی تاریخ میں پہلی بار قبائلی علاقوں کے عوام کو ان کاجمہوری حق ملا۔

یہ بات انہوں نے اہنے ایک جاری بیان میں کہی۔ انہوں نے کہا کہ قبائلی اضلاع میں ہونے والے انتخابات موجودہ حکومت کی بڑی کامیابی ہے،تحریک انصاف کی حکومت نے قبائلی عوام کو ان کے جمہوری حقوق دے کر ایک تاریخ رقم کی ہے۔

پرامن الیکشن پر سکیورٹی فورسز بھی مبارکباد کی مستحق ہیں۔وزیر اعلیٰ پنجاب سردار عثمان بزدار نے مزید کہا کہ ماضی کی حکومتوں نے ہمیشہ فاٹا کے عوام کو نظر انداز کیا، قبائلی عوام نے اپنا جمہوری حق استعمال کر کے تاریخ رقم کی ہے۔؎

قبائلی اضلاع میں عام انتخابات کاانعقاد امن کی جیت ہے، تحریک انصاف کی حکومت قبائلی اضلاع کے لوگوں کو ترقی کے سفر میں شامل کررہی ہے۔

علاوہ ازیں اس سے قبل وزیراعلیٰ پنجاب سردار عثمان بزدار سے نارووال سے تعلق رکھنے والے تحریک انصاف کے رہنماؤں امجد خان کاکڑ او رنعیم اللہ خان کاکڑ نے ملاقات کی۔

وزیراعلیٰ عثمان بزدار نے اس موقع پر بات چیت کرتے ہوئے کہا کہ پاکستان تحریک انصاف ملک کی مقبول ترین جماعت بن چکی ہے ،وزیراعظم عمران خان نے پاکستان کی تقدیر بدلنے کا عزم کر رکھا ہے۔

Comments

یہ بھی پڑھیں