The news is by your side.

Advertisement

ایف اے ٹی ایف کا اجلاس : پاکستانی وفد شرکت کیلئے جرمنی روانہ

اسلام آباد : وزیر مملکت برائے خارجہ حناربانی کھر کی زیرقیادت پاکستانی وفد فائنانشل ایکشن ٹاسک فورس کے اجلاس میں شرکت کیلئے جرمنی روانہ ہوگیا۔

تفصیلات کے مطابق وزیر مملکت برائےخارجہ حناربانی کھر کی زیرقیادت پاکستانی وفد جرمنی روانہ ہوگیا ، پاکستانی وفد جرمنی میں ایف اے ٹی ایف اہم اجلاس میں شرکت کرے گا، وفد میں وزارت خارجہ، خزانہ اور دیگر متعلقہ سینئر حکام شامل ہیں۔

فائنانشل ایکشن ٹاسک فورس کا اجلاس برلن میں 13 جون سے جاری ہے ، حناربانی کھر کی قیادت میں پاکستانی وفد آج برلن پہنچ جائے گا۔

ذرائع نے بتایا کہ فیٹف اجلاس میں15اور 16 جون کو پاکستان کے معاملات پر بحث ہوگی اور 17 جون کو پلینری میں کئے گئے فیصلوں کا اعلان ہوگا۔

یاد رہے پاکستان نےایف اےٹی ایف کےستائیس میں سے چھبیس نکات پرعمل درآمدیقینی بنالیا ہے ، جس کے بعد پاکستان کے گرے لسٹ سے نکلنے کے امکانات روشن ہوگئے ہیں۔

خیال رہے پچھلے دو سال سے پاکستان کو لا فیئر کا سامنا رہا ، بالخصوص ہندوستان کی لابی نےپاکستان کیلئےبہت سی مشکلات پیدا کیں ، ہندوستان نے پاکستان کو ہر حال میں بلیک لسٹ میں شامل کرانے کی کوشش کی تاہم پاک فوج نے بھارت کی اس سازش کو ناکام بنایا۔

Comments

یہ بھی پڑھیں