The news is by your side.

Advertisement

ایف اے ٹی ایف نے پاکستان کا نام گرے لسٹ میں شامل کردیا

پیرس: فنانشل ایکشن ٹاسک فورس (ایف اے ٹی ایف) نے اپنے آج کے اجلاس میں پاکستان کو گرے لسٹ میں شامل کرنے کا فیصلہ کرلیا ہے، گرے لسٹ میں دہشت گردوں کی مالی معاونت کرنے والے ملکوں کو شامل کیا جاتا ہے۔

تفصیلات کے مطابق ایف اے ٹی ایف کے اجلاس میں پاکستان کی جانب سے نگران وزیر خزانہ ڈاکٹر شمشاد اختر پیش ہوئے اور ملک کا موقف پیش کیا ۔ان کا کہنا تھا کہ پاکستان نے اینٹی منی لانڈرنگ اور دہشت گردی کی مالی معاونت روکنے سمیت کالعدم تنظیموں اور دیگر گروہوں کے خلاف اقدامات کئے ہیں۔

ان کامزید کہنا تھا کہ دہشت گردوں کی مالی معاونت روکنے کے لیے پہلے سے موجود قوانین میں بہتری لانے کے ساتھ سا تھ ان پر عملدرآمد بھی بہتر طریقے سے یقینی بنایا گیا ہے۔

خیال رہے کہ گذشتہ ہفتے اقوام متحدہ کی فنانشل ایکشن ٹاسک فورس (ایف اے ٹی ایف) کے تین روزہ اجلاس کے بعد جاری ہونے والے اعلامیے میں پاکستان کا نام ان ممالک کی فہرست میں شامل نہیں تھا جن کو منی لانڈرنگ اور دہشت گرد تنظیموں کو مالی وسائل کی فراہمی کو روکنے کے لیے مزید اقدامات کرنے کی ضرورت ہے۔

فنانشل ایکشن ٹاسک فورس (ایف اے ٹی ایف) ایک بین الحکومتی ادارہ ہے جس کا قیام 1989 میں عمل میں آیا تھا۔اس ادارے کا بنیادی مقصد یہ ہے کہ بین الاقوامی مالیاتی نظام کو دہشت گردی، کالے دھن کو سفید کرنے اور اس قسم کے دوسرے خطرات سے محفوظ رکھا جائے۔


Comments

comments

یہ بھی پڑھیں