وزیرمملکت علی محمد خان نے کہا ہے کہ فیٹف سےنہ نکلنےکی وجہ تکنیکی کےبجائےسیاسی بنی تھوڑا سا صبر کریں پاکستان جلدفیٹف گرےلسٹ سےنکل آئےگا۔
قومی اسمبلی اجلاس میں پیپلزپارٹی کے رکن اسمبلی راجا پرویز اشرف نے پوچھا کہ 27میں سےکون سانکتہ رہ گیاجس پرعمل نہیں ہوا؟
سوال کا جواب دیتے ہوئے علی محمد خان نے کہا کہ جو عملدرآمد کا نکتہ رہ گیاوہ مخصوص افرادکوسزاؤں پرہے کسی کوسزائیں ہم نےاپنےآئین وقانون کےمطابق دینی ہیں اب کسی کوسزادینےکےلئےبیرونی ڈکٹیشن نہیں چلےگی۔
علی محمدخان نے کہا کہ وہ زمانہ گزر گیا جب ریمنڈڈیوس کو نکال دیا جاتا تھا اب وہ وقت گزر گیا جب اس وقت کا صدربھاگا بھاگا امریکاجاتاتھا۔
ان کا کہنا تھا کہ فیٹف سےنہ نکلنےکی وجہ تکنیکی کےبجائےسیاسی بنی تھوڑا سا صبر کریں پاکستان جلدفیٹف گرےلسٹ سےنکل آئےگا وزیراعظم نےناں کی ہے تو پھر کچھ قیمت تو ادا کرنا پڑےگی۔
وقفہ سوالات میں پی پی رکن اسمبلی نفیسہ شاہ نے کہا کہ آڈیٹرجنرل نےکوروناپیکج میں مالی بےقاعدگیوں کی نشاندہی کی تھی بتایاجائےآڈیٹرجنرل کی رپورٹ کوکب ایوان میں پیش کیاجائےگا؟
علی محمد خان نے سوال کے جواب میں کہا کہ آڈیٹرجنرل کی رپورٹ رولزکےمطابق ایوان میں پیش ہو گی۔
