The news is by your side.

11 سالہ بچی کا زیادتی کے بعد قتل: والد کا انصاف ملنے تک بیٹی کی تدفین نہ کرنے کا اعلان

کراچی : کورنگی زمان ٹاؤن میں زیادتی کے بعد قتل ہونے والی 10 سالہ بچی کے والد نے انصاف ملنے تک بیٹی کی تدفین نہ کرنے کا اعلان کردیا۔

تفصیلات کے مطابق کراچی کے علاقے کورنگی زمان ٹاؤن میں بچی سے زیادتی اورقتل کے واقعے پر والد نے انصاف ملنے تک بیٹی کی تدفین نہ کرنے کا فیصلہ کرلیا۔

مقتولہ مہناز کے والد ابو طاہر نے اے آر وائی نیوز پر بیان میں کہا ہے کہ میری 2 بیٹاں اور2 بیٹے ہیں، صبح مزدوری پر گیا شام چار بجے واپس آیا تو دروازہ بند تھا۔

ابو طاہر کا کہنا تھا کہ پتہ چلا بڑی بیٹی نے بھی دروازہ بجایا تھالیکن دروازہ نہیں کھلا، دوسرے کے گھر سے کود کر میں نے دروازہ کھولا تو میری بیٹی گھرمیں اوپرلٹکی ہوئی تھی۔

بچی کے والد نے کہا کہ میرا مطالبہ صرف اتنا ہے کہ مجھے انصاف چاہیے،صبح جاتا ہوں شام میں آتا ہوں کس پر شک کروں گا۔

ان کا کہنا تھا کہ پولیس پڑوس میں آئی تحقیقات کی تصویریں لیں بس، مجھے انصاف ملے گا تو بیٹی کی تدفین کروں گا اور اگر انصاف نہ ملا تو ایسے ہی لاش رکھوں گا چاہے روڈ پر رکھنی پڑے۔

گذشتہ روز کراچی کے علاقے کورنگی میں سفاک درندوں نے بارہ سالہ بچی کوزیادتی کانشانہ بناکرقتل کردیا تھا۔

پولیس نے دو افراد کوحراست میں لے کر مقدمہ درج کرلیا، مقدمے میں قتل اورزیادتی کی دفعات شامل ہیں۔

Comments

یہ بھی پڑھیں