The news is by your side.

Advertisement

پسند کی شادی پر باپ اور بھائی نے لڑکی کو قتل کردیا

شیخوپورہ: پنجاب کے شہر شیخوپورہ میں پسند کی شادی کرنے پر باپ اور بھائی نے لڑکی کو قتل کردیا۔

اے آر وائی نیوز کی رپورٹ کے مطابق شیخوپورہ کے ضلع ڈیرہ کمبواں میں پسند کی شادی کرنے پر باپ اور بھائی نے جواں سال لڑکی کو موت کے گھاٹ اتاردیا۔

پولیس کے مطابق بہنوئی نے لڑکی کی شادی اپنے بھتیجے شہزاد سے کرادی تھی، ملزم والد اور بھائی نے فیصل آباد سے شیخوپورہ آکر لڑکی کو قتل کیا۔

شیخوپورہ پولیس کے مطابق سالی کے قتل کا سن کر بہنوئی نے بھی خود کو چھری کے وار کرکے زخمی کرلیا جس کے بعد اسے طبی امداد کے لیے اسپتال منتقل کردیا گیا ہے۔

پولیس کے مطابق لڑکی کی لاش کو ضابطے کی کارروائی کے لیے اسپتال منتقل کردیا گیا ہے، واقعے کی مزید تفتیش جاری ہے۔

مزید پڑھیں: ایبٹ آباد میں غیرت کے نام پر شادی شدہ جوڑا قتل

واضح رہے کہ گزشتہ روز یبٹ آباد کی تحصیل حویلیاں کے گاؤں برج میں شادی شدہ جوڑے کو فائرنگ کرکے قتل کردیا گیا تھا، لڑکا اور لڑکی نے چند روز قبل پسند کی شادی کی تھی۔

پولیس کے مطابق مقتولین کی شناخت صبا اور راشد کے نام سے ہوئی تھی۔

پولیس کا کہنا تھا کہ جہانگیر نامی شخص مقتولہ کا بھائی تھا، ملزم نے آج صبح گھر میں گھس کر فائرنگ کرکے پسند کی شادی کرنے والے لڑکا لڑکی کو قتل کیا اور فرار ہوگیا۔

Comments

یہ بھی پڑھیں