صادق آباد : شراب کے عادی سنگدل باپ نے اپنے شیر خوار بیٹے کو گلا کر دبا قتل کردیا اور فرار ہوگیا، پولیس نے ملزم کی تلاش شروع کردی ہے۔
تفصیلات کے مطابق ماں کا اپنے نومولود کے لیے دودھ کے پیسے مانگنا جرم بن گیا، شراب کے عادی سنگدل باپ نے اپنے شیر خوار بیٹے کو گلا دبا کر موت کی نیند سلا دیا۔
صادق آباد تھانہ سٹی کی حدود اعوان ٹاؤن میں اللہ رکھا نامی ملزم واردات کرکے فرار ہوگیا،ملزم نے اہلیہ اورساس پر تشدد بھی کیا۔
اللہ رکھا کی اہلیہ کا کہنا ہے کہ نشے کا عادی ظالم شوہر اکثر تشدد کا نشانہ بناتا ہے، کوئی کام کاج نہیں کرتا۔
ملزم کی ساس نے بتایا ہے ملزم نے اس پر بھی تشدد کیا، پیسوں کا بھی تقاضا کرتا رہا، پولیس نے اطلاع ملنے پر رپورٹ درج کرلی اور ملزم کی تلاش میں چھاپے مارے جا رہے ہیں۔
