کراچی (6 فروری 2026): پاکستان ویمنز کرکٹ ٹیم کی کپتان فاطمہ ثنا نے کہا ہے کہ پاور ہیٹنگ پر بھی بہت کام کیا ہے، ہم چاہتے ہیں کہ ویمن لیگ کا بھی آغاز ہو۔
ان خیالات کا اظہار پاکستان ویمنز کرکٹ ٹیم کی کپتان فاطمہ ثنا نے کراچی میں قائم کیمپ کے موقع پر پریس کانفرنس کے دوران کیا۔
قومی ویمنز ٹیم کی کپتان کا کیمپ کے حوالے سے بات کرتے ہوئے کہنا تھا کہ کیمپ میں زیادہ کام ویمنز کھلاڑیوں کی فٹنس پر کیا ہے، ٹیم میں نوجوان کھلاڑی زیادہ ہیں تاکہ ورلڈکپ کی تیاری کرسکیں۔ نوجوان کرکٹرز کو تجربہ دینا ہوگا۔
رپورٹس کے مطابق اُن کا کہنا تھا کہ پاور ہیٹنگ پر بھی بہت کام کیا ہے جبکہ دو نئے فاسٹ بولرز کو اسکواڈ میں شامل کیا گیا ہے۔
انہو ں نے بتایا کہ اسٹرائیک روٹیشن کے ذریعے کھلاڑیوں کو کوچز نے محنت کروائی ہے۔ پریشر ہینڈلنگ سکھائی گئی ہے تاکہ مشکل صورتحال کو Face کرسکیں۔
آسٹریلیا کو ورلڈ کپ سے پہلے ایک اور دھچکا
فاطمہ ثنا کا کہنا تھا کہ ماضی میں فارمیٹ گیم مختلف تھا اور ہمارے اسکواڈ میں بھی تبدیلی آئی ہے۔ ایسی گیم کھیلنا ہے جس سے مخالف ٹیم پر دباؤ بنایا جاسکے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں