The news is by your side.

Advertisement

خود کش حملہ غیراسلامی اورحرام ہے، مفتیان کرام کا فتویٰ

اسلام آباد : اہل سنت مفتیان کے دو مختلف گروپوں نے حب میں شاہ نورانی دربار پر حملہ آوراں کو جہنمی قرار دیتے ہوئے واضح کیا ہے کہ نام نہاد جہادی تنظیموں کا فلسفہء جہاد جہالت پر مبنی ہے۔

تفصیلات کے مطابق تنظیم اتحاد امت پاکستان کے شریعہ بورڈ کے 50 سے زائد مفتیان کرام مفتی محمد عمران حنفی قادری، مفتی پیر سید کرامت علی ،مفتی ابوبکر اعوان ،مفتی محمد قیصر شہزاد ،مفتی مسعود الرحمن اور دیگر نے فتوے میں خود کش حملوں کو حرام قراردیتے ہوئے کہا ہے کہ داعش ، تحریکِ طالبان پاکستان، القاعدہ، بوکو حرام، الشباب جیسی نام نہاد جہادی تنظیموں کا فلسفہ جہاد گمراہ کن، طرزِ عمل غیر اسلامی اور فہم اسلام ناقص اور جہالت پر مبنی ہے۔

ان کا کہنا ہے کہ اسلام فرقے کے اختلاف کی بنیاد پر کسی کو قتل کرنے کی اجازت نہیں دیتا۔ دوسری طرف جماعت اہلسنّت اور سنی اتحاد کونسل کے مفتیان کرام نے بھی شرعی اعلامیہ میں کہا ہے کہ خود کش حملے خلاف اسلام اور حرام ہیں۔

جن مفتیان کرام اورعلماء کرام نے شرعی اعلامیہ جاری کیا ہے ان میں علامہ پیر سید مظہرسعید کاظمی، علامہ سید ریاض حسین شاہ ، علامہ محمد اکرم شاہ جمالی اور دیگر شامل ہیں۔

Print Friendly, PDF & Email

Comments

comments

یہ بھی پڑھیں