The news is by your side.

Advertisement

سری لنکا کے خلاف سیریز، فواد عالم کی ٹیم میں شمولیت کا امکان

کراچی: سری لنکا کے خلاف ٹیسٹ میچز کی سیریز کے لیے قومی ٹیم میں فواد عالم کی شمولیت کا امکان ہے۔

تفصیلات کے مطابق سری لنکا کے خلاف ٹیسٹ سیریز کے لیے قومی ٹیم میں دو سے تین تبدیلیوں کا امکان ہے، ڈومیسٹک کرکٹ میں مسلسل پرفارم کرنے والے فواد عالم کی ٹیسٹ اسکواڈ میں شمولیت متوقع ہے۔

سری لنکا کے خلاف ٹیسٹ سیریز کے لیے قومی ٹیم کا اعلان 7 دسمبر کو کیا جائے گا، امکان ہے کہ فواد عالم ٹیم میں جگہ بنالیں گے جبکہ ان کے ساتھ سمیع اسلم، عمران بٹ، راحت علی کی شمولیت پر بھی غور کیا جارہا ہے۔

ذرائع کا کہنا ہے کہ نسیم شاہ انڈر 19 کیمپ جوائن کریں گے، امام الحق اور حارث سہیل کو آسٹریلیا میں ناقص کارکردگی کے سبب ڈراپ کیا جاسکتا ہے۔

مزید پڑھیں: لوگوں کا پیار ہی میری محنت کا اصل صلہ ہے، فواد عالم

سیریز میں دو ٹیسٹ میچز کھیلے جائیں گے، پہلا ٹیسٹ 11 دسمبر سے راولپنڈی کرکٹ اسٹیڈیم میں شروع ہوگا جبکہ دوسرا ٹیسٹ 19 سے 23 دسمبر تک نیشنل اسٹیڈیم کراچی میں کھیلا جائے گا۔

سری لنکا کے خلاف سیریز کے لیے کھلاڑی 8 دسمبر کو راولپنڈی پہنچیں گے، سری لنکا کی ٹیم 9 دسمبر کو اسلام آباد پہنچے گی۔

واضح رہے کہ آسٹریلیا میں ٹیسٹ سیریز میں 2-0 سے شکست کے بعد پاکستان ٹیم کے کھلاڑی آج وطن پہنچ رہے ہیں، وطن واپسی کے بعد کل کپتان اظہر علی کی پریس کانفرنس متوقع ہے۔

Comments

comments

یہ بھی پڑھیں