The news is by your side.

Advertisement

’’اسی طرح کھڑے ہوکر رنز بنائے ہیں اور بناؤں گا‘‘

ساؤتھمپٹن: ٹیسٹ کرکٹر فواد عالم کا کہنا ہے کہ اسی طرح کھڑے ہوکر رنز بنائے ہیں اور آئندہ بھی بناؤں گا۔

تفصیلات کے مطابق انگلینڈ کے خلاف دوسرے روز کھیل کے اختتام پر فواد عالم نے میڈیا سے گفتگو کرتے ہوئے کہا کہ 600 رنز کا دباؤ ہوتا ہے لیکن میچ ابھی ختم نہیں ہوا ہم فائٹ کریں گے۔

فواد عالم کا کہنا تھا کہ اسی طرح کھڑے ہوکر رنز بنائے ہیں اور آئندہ بھی بناؤں گا، اسی انداز سے کھیل کر پاکستانی ٹیم میں آیا ہوں۔

ایک سوال کے جواب میں فواد عالم کا کہنا تھا کہ ٹیم سے دور رہنا کیسا ہوتا ہے مجھے پتا ہے، 11 سال بعد اللہ نے دوبارہ یہاں بٹھایا ہے۔

ٹیسٹ کرکٹر نے کہا کہ تین وکٹیں جلدی گرنا برا ہوا کل کا پہلا سیشن اہم ہوگا کوشش کریں گے وکٹیں جلد نہ گریں۔

مزید پڑھیں: ساؤتھمپٹن ٹیسٹ میں پاکستان مشکلات کا شکار، انگلینڈ کی پوزیشن مستحکم

فواد عالم نے کہا کہ مصباح الحق اچھے انداز میں سمجھاتے ہیں، کوشش ہوگی دوسری اننگز میں اچھا پرفارم کروں۔

واضح رہے کہ ساؤتھمپٹن ٹیسٹ میں انگلینڈ کی پوزیشن مستحکم ہوگئی، انگلینڈ نے پہلی اننگز میں 583 رنز بنانے کے بعد گرین کیپس کے ابتدائی تین بلے بازوں کو بھی پویلین بھیج دیا، پاکستان نے کھیل کے اختتام پر 3 وکٹوں کے نقصان پر 24 رنز بنا لیے۔

Comments

یہ بھی پڑھیں