ٹیسٹ کرکٹر فواد عالم نے اسپنر ابرار احمد کو ورلڈکپ کے بعض میچوں میں نہ کھلانے پر ٹیم منیجمنٹ پر کڑی تنقید کی ہے۔
ایک شو میں گفتگو کرتے ہوئے فواد عالم نے کہا کہ ٹورنامنٹ میں جب ابرار جیسے بولرز کی ضرورت تھی تو انہیں باہر کر دیا گیا لیکن بیٹرز اور آل راؤندرز کو آپ نے ڈراپ نہیں کیا۔
انہوں نے سوال اٹھایا کہ کس نے کہا کہ عثمان طارق کے ساتھ ابرار احمد نہیں کھیل سکتے؟
فواد عالم نے ابرار احمد کی سری لنکا کے خلاف 23 رنز کے عوض 3 وکٹوں پر کارکردگی کا سراہتے ہوئے کہا کہ یہی بولنگ مطلوب تھی لیکن آپ نے ایسے بولر کو باہر بٹھائے رکھا، اس کا جواب کون دے گا؟
ان کا کہنا تھا کہ بابر احمد جیسے اسپیشلسٹ بولر کو باہر بٹھانے پر جوابدہ کون ہے؟ یہ کپتان، کوچ یا منیجمنٹ کی ذاتی ٹیم نہیں ہے بلکہ پاکستان کی ٹیم ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں