The news is by your side.

Advertisement

جاوید لطیف کا ہارس ٹریڈنگ کا اعتراف، فواد چوہدری کا الیکشن کمیشن سے نوٹس لینے کا مطالبہ

اسلام آباد : وفاقی وزیر اطلاعات فوادچوہدری نے مسلم لیگ ن کے رہنما جاویدلطیف کے ہارس ٹریڈنگ کے اعتراف کے بعد الیکشن کمیشن سے نوٹس لینےکا مطالبہ کردیا‌۔

تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ جاوید لطیف نے کھلے عام اعتراف کیا کہ ن لیگ ہارس ٹریڈنگ کررہی ہے، مسلم لیگ ن یہ سب عدم اعتماد کو کامیاب بنانے کیلئے کررہی ہے۔

فواد چوہدری کا کہنا تھا کہ جاویدلطیف کے ہارس ٹریڈنگ کے اعتراف جرم کےبعد الیکشن کمیشن کو مسلم لیگ ن نوٹس جاری کرکے وضاحت طلب کرنی چاہئے مگرالیکشن کمیشن کو نون کی نظر لگ گئی، انھیں صرف پی ٹی آئی نظر آرہی ہے۔

یاد رہے مسلم لیگ نون کے رہنما جاوید لطیف نے اے آر وائی نیوز کے پروگرام آف دی ریکارڈ میں ہارس ٹریڈنگ کا اعتراف کرتے ہوئے کہا تھا کہ حکومت کو آئینی طریقے سے گرانے کے لیے ہارس ٹریڈنگ کررہے ہیں۔

جاوید لطیف کا کہنا تھا کہ بہت برا کیا گیا الیکشن چرا کر ہم اس سے کم برا کر رہے ہیں۔

Comments

یہ بھی پڑھیں