The news is by your side.

Advertisement

مریم نواز کی ساری جدوجہد کا محور قوم سے لوٹی گئی دولت بچاناہے،فواد چوہدری

اسلام آباد : پاکستان تحریک انصاف کے رہنما فواد چوہدری کا کہنا ہے کہ مریم نوازکی ساری جدوجہد کا محور قوم سے لوٹی گئی دولت بچانا ہے، مریم بی بی تبدیلی کا جتنا جلد احساس کرلیں ان کے حق میں بہتر ہے، جائیدادیں نیلام ہوں گی ٹبراڈیالہ جائے گا،قرضوں سے نجات ملے گی۔

تفصیلات کے مطابق پی ٹی آئی رہنما فواد چوہدری عالمی میڈیامیں اداروں کیخلاف مریم نوازکی مہم جوئی ناکام ہوگی، مریم بی بی معقول سیاسی ہدف کےحصول کی کوشش نہیں کررہیں، مریم نواز کی ساری جدوجہد کا محور قوم سے لوٹی گئی دولت بچانا ہے۔

فواد چوہدری کا کہنا تھا کہ ، چوری کی گئی دولت بچانے کیلئے اقدار کی دھجیاں اڑائی جارہی ہیں، نوازشریف مخالفین کی کردارکشی کیلئے پمفلٹ گرایا کرتے تھے، اداروں کیخلاف تضحیک اورنفرت پرمبنی پروپیگنڈے کی بھرمار ہے۔

انھوں نے کہا کہ مریم بی بی کواحساس نہیں پوری دنیاانکےجھوٹ سے واقف ہے، “کیلبری”کےچرچےجعل سازیوں پر مقبولیت کی علامت ہیں، والد کیساتھ رہنے کا دعویٰ کرنے والی کو ایک ارب اثاثوں کا اعتراف ہے۔


مزید پڑھیں : شریف فیملی ایسےعدالتوں میں آتی ہےجیسے پکنک پرآئی ہے‘ فوادچوہدری


رہنما تحریک انصاف کا کہنا تھا کہ پہلےاثاثوں سے انکار اور بعد میں ثبوت نہ دے کر جھوٹ بولا گیا، مریم بی بی تبدیلی کا جتنا جلداحساس کرلیں، ان کےحق میں بہترہے۔

فوادچوہدری نے مزید کہا کہ جائیدادیں نیلام ہوں گی ٹبراڈیالہ جائے گا،قرضوں سے نجات ملے گی۔

یاد رہے چند روز قبل  پاکستان تحریک انصاف کے رہنما فواد چوہدری کا کہنا تھا کہ نااہل لیڈر شپ کا مقابلہ پی ٹی آئی کی اہل لیڈرشپ سے ہی ہوگا،پاکستان کے لوگوں کا پیسہ ملک میں واپس آنا چاہئے۔

انھوں نے مزید کہا تھا کہ ریفرنس میں پاپا اور پپو نامزد ہیں ، پاپا آتے ہیں اور پپو نہیں ہوتے اب پاپا کے بھی آنے کے آثار نہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں