عمران خان کا کیس نوازشریف کے کیس سے مختلف ہے، فواد چوہدریfawad
The news is by your side.

Advertisement

عمران خان کا کیس نوازشریف کے کیس سے مختلف ہے، فواد چوہدری

اسلام آباد: پاکستان تحریک انصاف رہنما فواد چوہدری کا کہنا ہے کہ ن لیگ کےرہنمامضحکہ خیزبیانات دے رہے ہیں، عمران خان کا کیس نوازشریف کے کیس سے مختلف ہے،پی ٹی آئی اسامہ بن لادن یاکسی اورسے پیسے نہیں لیتے رہی۔

تفصیلات کے مطابق پی ٹی آئی رہنما فواد چوہدری نے میڈیا سے گفتگو کرتے ہوئے کہا کہ ن لیگ کے رہنما مضحکہ خیزبیانات دے رہے ہیں، کہتے ہیں عمران خان کرکٹ کھیلتےتھے انہیں پیسے ملتےتھے یانہیں معلوم نہیں۔

فواد چوہدری کا کہنا ہے کہ عمران خان پر کہیں الزام نہیں کہ انہوں نے ٹھیکوں میں پیسے کمائے، عمران خان پر حدیبیہ ملز جیسےالزامات نہیں ہیں، عمران خان نے5لاکھ ڈالرمیں زمین خریدی اوررقم جمائما کو واپس کردی، عمران خان پر کہیں بھی منی لانڈرنگ کا الزام نہیں لگایا گیا۔

رہنما پی ٹی آئی نے کہا کہ عمران خان کاکیس نوازشریف کےکیس سےمختلف ہے، ہم ٹرانزیکشنزپیش کررہےہیں جھوٹ کاسہاراکہیں نہیں لےرہے، ایسےثبوت پیش کررہےہیں، جس کیلئے کسی قطری شہزادے یا خط کی ضرورت نہیں۔


مزید پڑھیں :  پاکستان کے عوام کے اربوں روپے پاپا اور پپو نے مل کر لوٹے


انھوں مزید کہا کہ پی ٹی آئی اسامہ بن لادن یاکسی اورسے پیسے نہیں لیتے رہی، ہمیں 4لاکھ امریکی پاکستانیوں نے فنڈز دیئے ہیں، بیرون ملک پاکستانیوں کو ووٹ کے حق سے محروم رکھا گیا ہے۔

حنیف عباسی پر تنقید کرتے ہوئے انھوں نے کہا کہ حنیف عباسی منہ کی کھائیں گےمقدمات ختم ہونےجارہےہیں، حنیف عباسی کوضرورت ہےایفیڈرین کیس کوفوکس کریں۔

اس سے قبل فواد چوہدری کا کہنا تھا کہ پاکستان کے عوام کے اربوں روپے پاپا اور پپو نے مل کر لوٹے، پاپا اور پپو دونوں لندن میں ہیں اور پیسہ بھی وہیں موجود ہے۔

انھوں نے کہا تھا کہ عدلیہ اور فوج پر تنقید کیلئے آج کل احسن اقبال کوانچارج بنایا گیا ہے، چیف جسٹس وزیرداخلہ کی جانب سے جسٹس اعجازالاحسن پر تنقید کا نوٹس لیں، احسن اقبال کوعدالت میں بلا کر پوچھنا چاہیے، کس بنیاد پر الزامات لگا رہے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں