The news is by your side.

Advertisement

نااہل لیڈر شپ کا مقابلہ پی ٹی آئی کی اہل لیڈرشپ سے ہی ہوگا،فوادچوہدری

اسلام آباد : پاکستان تحریک انصاف کے رہنما فواد چوہدری کا کہنا ہے کہ نااہل لیڈر شپ کا مقابلہ پی ٹی آئی کی اہل لیڈرشپ سے ہی ہوگا،پاکستان کے لوگوں کا پیسہ ملک میں واپس آنا چاہئے ، امید ہے 26اکتوبر تک اس کیس کا فیصلہ ہوجائے گا۔

تفصیلات کے مطابق پی ٹی آئی کے رہنما فواد چوہدری نے میڈیا سے بات کرتے ہوئے کہا کہ جہانگیر ترین کی 18ہزار ایکڑ میں سے زیادہ تر زمین لیز پر ہے، جہانگیر ترین کی 18ہزارایکڑ زمین کی اسکروٹنی ہوئی، عمران خان،جہانگیر ترین کیس میں ہر سوال کا جواب تفصیل سےدیاگیا، الیکشن کمیشن نے 2013میں تمام الزامات کو مسترد کیا تھا،فوادچوہدری

فواد چوہدری کا کہنا تھا کہ عمران خان،جہانگیر ترین کیس آخری مراحل میں ہے ،عمران خان نےتمام تفصیل کےساتھ کاغذات جمع کرائے ، ن لیگ کے وکلا کو پہلے کچھ ملا نہ آگے کچھ ملےگا، نااہل لیڈر شپ کا مقابلہ پی ٹی آئی کی اہل لیڈرشپ سے ہی ہوگا، آپ نے چوری کی بھگتنا پڑرہا ہے،ہم نے چوری نہیں کی۔

رہنما پی ٹی آئی نے کہا کہ اسحاق ڈار آدھا دن پیشی اور باقی وقت وکلا کیساتھ گزارتے ہیں، اسحاق ڈار ملک کی معیشت کو صرف45منٹ دیتے ہیں، علی بابا اور 500 چور مل گئے ہیں ، آپ کے پاس تمام وزارت پاکستان کے عوام کی امانت ہیں، ن لیگی وکلا کی جانب سےوقت ضائع کرنے کی کوشش کی جارہی ہے۔

انھوں نے مزید کہا کہ ریفرنس میں پاپا اور پپو نامزد ہیں ، پاپا آتے ہیں اور پپو نہیں ہوتے اب پاپا کے بھی آنے کے آثار نہیں، پاکستان کے لوگوں کا پیسہ ملک میں واپس آنا چاہئے ، امید ہے 26اکتوبر تک اس کیس کا فیصلہ ہوجائے گا۔


مزید پڑھیں :  نوازشریف اورعمران خان کے کیس میں زمین آسمان کا فرق ہے


یاد رہے گزشتہ روز رہنما پی ٹی آئی فواد چوہدری نے کہا تھا کہ  نوازشریف اورعمران خان کے کیس میں زمین آسمان کا فرق ہے، عمران خان کی پوری منی ٹریل 6 لاکھ 72ہزارپاؤنڈ کی ہے، شریف خاندان کی منی ٹریل 30 ہزارکروڑکی ہے۔

انکا کہنا تھا کہ نوازشریف9 سال تک حکومت میں رہے، عمران خان نے ایک مرتبہ بھی عوامی عہدہ نہیں رکھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

Print Friendly, PDF & Email

Comments

comments

یہ بھی پڑھیں