site
stats
پاکستان

شہبازشریف افسانے تراش رہے ہیں، فواد چوہدری

اسلام آباد : تحریک انصاف کے ترجمان فواد چوہدری نے کہا ہے کہ جعلی دستاویز بنانے میں شریف خاندان سے زیادہ ماہر کوئی نہیں، پاناما کیس میں قوم نے انہیں بھرپورایکٹنگ کرتے دیکھا، شہباز شریف افسانے تراش رہے ہیں۔

ان خیالات کااظہارانہوں نے وزیر اعلیٰ پنجاب میاں شہباز شریف کی پریس کانفرنس کے رد عمل میں کیا، فواد چوہدری نے کہا کہ معاملے کی تحقیقات کے بغیر شہبازشریف کی پریس کانفرنس کا مقصد نظر نہیں آتا، وہ محض افسانےتراش رہے ہیں، ان کی باتوں نے یہ تاثر دیا کہ جیسے اپوزیشن لیڈر پریس کانفرنس کررہا ہے۔

فواد چوہدری کا کہنا تھا کہ شریف برادران کے کاغذ کی اصلیت جاننے کیلئےتحقیقات لازمی ہے، جعلی دستاویز بنانے میں شریف خاندان سے زیادہ ماہر کوئی نہیں، پاناماکیس میں قوم نےانہیں بھرپور ایکٹنگ کرتے ہوئے دیکھا۔

انہوں نے کہا کہ عوام نے شریف برادران کو پوری قوم کو بیوقوف بنانے کی کوششیں کرتے بھی دیکھا، دونوں بھائی قوم اور پارلیمان کو بتاتے کچھ ہیں اور نکلتا کچھ اورہے، آئندہ تمام تحقیقات ان کےٹریک ریکارڈ کی روشنی میں کرانا ہونگی۔


مزید پڑھیں: شہباز شریف کی پریس کانفرنس ،ویڈیو دیکھیں


فواد چوہدری نے مزید کہا کہ شریف برادران ساڑھے چار سال سے اقتدارمیں ہیں، چاہتے تو آئینی ترامیم کرسکتے تھے، ایک سوال کے جواب میں ان کا کہنا تھا کہ پی ٹی آئی کے کسی بھی رہنما پرکرپشن کی تحقیقات نہیں ہورہی اور اگر ایسے الزامات ہیں بھی تو سیاسی بلیک میلنگ کے بجائے تادیبی کارروائی ہونی چاہئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top