site
stats
پاکستان

نوازشریف خود کو نکالے جانے کو سقوط ڈھاکا سے تعبیر کرتےہیں، فواد چوہدری

اسلام آباد: پاکستان تحریک انصاف کے رہنما فواد چوہدری کا کہنا تھا نوازشریف کی آج کی تقریر بھی اداروں پر تنقید پر ہی مبنی تھی، نوازشریف خود کو نکالے جانے کو سقوط ڈھاکا سے تعبیر کرتے ہیں۔

تفصیلات کے مطابق پی ٹی آئی رہنما فواد چوہدری نے نواز شریف کی تقریر پر درعمل کا اظہار کرتے ہوئے کہا کہ نوازشریف، انکے بچوں نے 3ہزار300ارب روپے کی کرپشن کی، نوازشریف کے بچوں کے ناقابل ضمانت وارنٹ جاری ہوچکے ہیں، نوازشریف دوبارہ سے مسلم لیگ کے صدر بنے ہیں، شریف خاندان کے پیچھے سعد رفیق بیٹھے ہیں، جو خود اسٹے آرڈر پر ہیں، سعدرفیق کو یہ اعزازحاصل ہے کہ ہر سال ان کا پرائز بانڈ نکلاہے۔

فواد چوہدری کا کہنا تھا کہ آپ ہم سے پوچھ رہے ہیں کہ پاکستان کیوں پیچھے رہ گیا، 30 سال آپ نے حکمرانی کی، یہ سوال تو ہمیں پوچھنا چاہئے، آپ نے30سال تک پاکستان کےوسائل کولوٹا ایک صاحب کہتے ہیں ہماری سیاست ن کے بغیرمکمل نہیں ہوتی، ن لیگ کے باضمیر لوگ سوچ رہے ہیں، کیسے ایک کیلئے قانون بدلا گیا،ادارے جمہوریت لپیٹنانہیں چاہتےنہ ہی سیاسی جماعتیں اورمیڈیا ایسا ہونے دے گا۔


مزید پڑھیں : عمران خان کا کیس نوازشریف کے کیس سے مختلف ہے، فواد چوہدری


رہنما پی ٹی آئی نے کہا کہ نوازشریف کی سیاست کا خاتمہ ہو چکا ،انتخاب دل خوش رکھنے کے بہانے ہیں، نواز شریف نے جمہوریت کا چہرہ داغدار کرنے کی ایک نئی کوشش کی ، نوازشریف 100بارن لیگ کےصدر منتخب ہو جائیں حیثیت تبدیل نہیں ہوگی، سپریم کورٹ انہیں نا اہل قرار دے چکی ہے جو وہ ہمیشہ رہیں گے۔

فواد چوہدری کا کہنا تھا نوازشریف کی آج کی تقریر بھی اداروں پر تنقید پر ہی مبنی تھی، نوازشریف خود کو نکالے جانے کو سقوط ڈھاکا سے تعبیر کرتےہیں،ن لیگ والوں نے سقوط ڈھاکا پر ایک لفظ نہیں پڑھا اور یہ باتیں کرتے ہیں۔

انھوں نے مزید کہا کہ ن لیگ کے پاس موقع تھا خود کو ایک جمہوری جماعت ثابت کرتی، ن لیگ نے بددیانت شخص قبول کرکے اپنی حقیقت عوام پر عیاں کر دی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top