اے آر وائی نیٹ ورک کے صدر سی ای او سلمان اقبال کو وفاقی وزیراطلاعات فواد چوہدری اور وزیراعظم کے مشیر شہباز گل نے مبارکباد پیش کی ہے۔
وفاقی وزیراطلاعات فواد چوہدری نے ستارہ امتیاز ملنے پر اے آر وائی نیٹ ورک کے صدر سی ای او اور کراچی کنگز کے مالک سلمان اقبال کو یوم پاکستان کے موقع پر ستارہ امتیاز ملنے پر مبارکباد پیش کی ہے۔
فواد چوہدری نے اپنے تہنیتی پیغام میں کہا کہ سلمان اقبال نے پی ایس ایل کےفروغ میں اہم کردارادا کیا اور ان کی انتھک کوششوں کی بدولت کئی عالمی کھلاڑی پاکستان آئے، کرکٹ کےشعبہ میں غیرمعمولی خدمات کےاعتراف میں اعزازدیا گیا، ریاست پاکستان کی جانب سے سلمان اقبال کو ستارہ امتیازملنا بڑااعزاز ہے، سلمان اقبال کھیلوں کے فروغ کے لئے اپنا کردار جاری رکھیں گے۔
انہوں نے مزید کہا کہ سلمان اقبال نے پاکستان میں فلمی صنعت کےفروغ میں بھی کردارادا کیا ہے اور اےآروائی ڈیجیٹل نیٹ ورک نےکئی سپرہٹ فلمیں ریلیزکیں۔
دوسری جانب وزیراعظم کے مشیر شہباز گل نے بھی سلمان اقبال کو ستارہ امتیاز سے نوازے جانے پر مبارکباد دی ہے۔
انہوں نے یہ مبارکباد اپنے ٹوئٹ پیغام میں دی ہے۔
سلمان اقبال صاحب کی کھیل، کاروبار اور ابلاغ کے میدان میں بے پناہ خدمات کے اعتراف میں حکومت پاکستان نے انہیں ستارہ امتیاز سے نوازا ہے۔ @ARYNEWSOFFICIAL فیملی اور @Salman_ARY کو دلی مبارکباد۔ pic.twitter.com/X5z3pyyntm
— Dr. Shahbaz GiLL (@SHABAZGIL) March 23, 2022
شہباز گل نے تہنیتی پیغام میں لکھا ہے کہ سلمان اقبال کی کھیل، کاروباراور ابلاغ کے میدان میں بے پناہ خدمات ہیں اور انہیں ان کی خدمات کے اعتراف میں حکومت نےستارہ امتیاز سے نوازا ہے۔
شہباز گل نے لکھا کہ ستارہ امتیاز ملنے پر سلمان اقبال اور اے آر وائی فیملی کو مبارکباد دیتا ہوں۔
