لاہور : پاکستان تحریک انصاف کے رہنما فواد چوہدری نے اہلیان لاہور سے درخواست کی ہے کہ ساری رکاوٹیں اور سختیاں مسترد کر کے مینار پاکستان پہنچیں۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ لاہور سے درخواست ہے ساری رکاوٹیں اور سختیاں مسترد کر کے مینار پاکستان پہنچیں، آج کاجلسہ حقیقی آزادی کاجلسہ ہے، یہ جدوجہد آپ کی آزادی اور اگلی نسل کے حقوق کیلئے ہے۔
آج لاہور سے درخواست ہے ساری رکاوٹیں اور سختیاں مسترد کر کے مینار پاکستان پہنچیں، آج کا جلسہ #حقییقی_آزادی_جلسہ ہے، یہ جدوجہد اپ کی آزدی اور اگلی نسل کے حقوق کیلئے ہے ۔۔ عشق سے اور جنون سے ملتی ہے آزادی
— Ch Fawad Hussain (@fawadchaudhry) March 25, 2023
فواد چوہدری نے پولیس کے کریک ڈاؤن کے حوالے سے کہا کہ آج کےجلسےکوسبوتاژکرنےکیلئےلاہورمیں سیکڑوں لوگوں کو گرفتار کیا گیا، سڑکیں بلاک کی گئیں،پولیس نےمتعددگھروں پر بغیروارنٹ چھاپے مارے، یہ سب کچھ رمضان المبارک میں ہو رہا ہے۔
خیال رہے پاکستان تحریک انصاف آج گریٹر اقبال پارک میں جلسے کا اہتمام کررہی ہے، جس سے چیئرمین تحریک انصاف عمران خان خطاب کریں گے، جلسےکی تیاریاں حتمی مراحل میں داخل ہوچکی ہیں۔
پاکستان تحریک انصاف کے جلسے سے پہلے لاہور میں مینارپاکستان جانے والے راستےکنٹینرز لگاکربند کردیے گئے ہیں ، جس سے شہریوں کو شدید مشکلات کا سامنا ہے۔