The news is by your side.

Advertisement

’’اپوزیشن اداروں پر دباؤ ڈال کر ریلیف چاہتی ہے‘‘

اسلام آباد: وفاقی وزیر سائنس اینڈ ٹیکنالوجی فواد چوہدری کا کہنا ہے کہ اپوزیشن کی کوشش ہے کہ کسی طرح انہیں ’این آر او‘ مل جائے، اپوزیشن چاہتی ہے اداروں پر دباؤ ڈال کر ریلیف لینا چاہتی ہے۔

اے آر وائی نیوز کے پروگرام ’آف دی ریکارڈ‘ میں گفتگو کرتے ہوئے وفاقی وزیر فواد چوہدری نے کہا کہ وزیراعظم عمران خان واضح کہہ چکے ہیں این آر او نہیں دوں گا، عمران خان نے 2011 میں کہا تھا یہ سب اکٹھے ہوں گے۔

انہوں نے کہا کہ ن لیگ کا آئین سے کوئی تعلق نہیں صرف 8 کیسزسے ہے، آج 8 کیسز میں ریلیف دیں تو عمران خان اچھے ہوجائیں گے۔

فواد چوہدری نے کہا کہ صوبوں کے درمیان جو کوآرڈی نیشن چاہیے وہ موجود نہیں ہے، ہم اسی لیے کہتے ہیں اٹھارویں ترمیم پربات ہونی چاہیے، تلخیاں بھی ہیں جس کا پارلیمنٹ میں اظہار ہوتا ہے۔

انہوں نے کہا کہ اٹھارویں ترمیم پر وفاق و صوبوں میں روابط بہتر ہونی چاہیے، 2019 میں سندھ کو کہا گیا گندم اٹھالیں انہوں نے نہیں اٹھائی، 2020 میں سندھ نے گندم ریلیز نہیں کی جس سے قیمتیں بڑھ گئیں۔

وفاقی وزیر نے کہا کہ معاشی مشکلات تھیں کورونا وبا میں اور بھی نقصان پہنچا، پوری دنیا میں کورونا وباکی وجہ سے معیشت کونقصان پہنچا ہے۔

فواد چوہدری نے واضح کیا کہ میں یہ نہیں کہہ رہا کہ ہماری کوتاہیاں نہیں، یقیناً ہم سے بھی غلطیاں ہوئیں، حکومت کے ساتھ سب کی ذمہ داری ہے کہ عوام کو مسائل سے متعلق آگاہ کریں۔

Comments

یہ بھی پڑھیں