اسلام آباد : سابق وفاقی وزیر فواد چوہدری نے شہباز حکومت پر کڑی تنقید کرتے ہوئے کہا حکومت کا پیسہ تماش بین عیاشیوں پر لٹا رہے ہیں۔
تفصیلات کے مطابق سابق وفاقی وزیر فواد چوہدری نے سماجی رابطے کی ویب سائٹ ٹوئٹر پر اپنے حکومت پر تنقید کرتے ہوئے کہا وزرا اور وزیر اعظم کےغیرملکی دورے پی ٹی آئی حکومت کے ساڑھے 3 سالہ دور سے زیادہ ہیں، حکومت کا پیسہ تماش بین عیاشیوں پر لٹا رہے ہیں۔
فواد چوہدری کا کہنا تھا کہ حکومت ترقیاتی بجٹ روک کر میڈیا کواشتہار دے رہی ہے ،اس سے احمقانہ پالیسی کیا ہو گی؟امپورٹڈحکومت نامنظور۔
حکومتی وزراء اور خود وزیر اعظم کے غیر ملکی دورے تحریک انصاف کی حکومت کے ساڑھے تین سالہ دور سے زیادہ ہیں حکومت کا پیسہ تماش بین عیاشیوں پر لٹا رہے ہیں، حکومت ترقیاتی بجٹ روک کر میڈیا کو اشتہار دے رہی ہے اس سے احمقانہ پالیسی کیا ہو گی؟ #امپورٹڈ_حکومت_نامنظور
— Ch Fawad Hussain (@fawadchaudhry) May 31, 2022
اس حوالے سے ڈاکٹر شہباز گل نے اپنے ٹوئٹ میں کہا کہ کل ان کے وزیر صاحب فرما رہے تھے کہ زہر کھانے کو پیسے نہیں ، کروڑوں روپے قوم کے اشتہارات پر، اپنی عیاشیوں کیمپ آفسز دعوتوں عمروں پر لگائے جا رہے ہیں، لوٹ مار چوری کرپشن تو آپکی جبلت ہے چھوڑ نہیں سکتے ، قوم کو بے وقوف اور جاہل سمجھنا چھوڑ دیں ، یہ 90 کی دہائی نہیں ہے.
کل ان کے وزیر صاحب فرما رہے تھے کہ زہر کھانے کو پیسے نہیں
کروڑوں روپے قوم کے اشتہارات پر، اپنی عیاشیوں کیمپ آفسز دعوتوں عمروں پر لگائے جا رہے ہیں
لوٹ مار چوری کرپشن تو آپکی جبلت ہے چھوڑ نہیں سکتے
قوم کو بے وقوف اور جاہل سمجھنا چھوڑ دیں
یہ 90 کی دہائی نہیں ہے pic.twitter.com/gLky51bB1j— Dr. Shahbaz GiLL (@SHABAZGIL) May 31, 2022
