لاہور: پاکستان تحریک انصاف (پی ٹی آئی) کے رہنما فواد چوہدری کا کہنا ہے کہ نواز شریف نے پوری کوشش کی کہ ملک میں مارشل لا لگے، مارشل لا نہیں لگے گا انشا اللہ ملک میں عام انتخابات ہوں گے۔
اے آر وائی نیوز کے مطابق سابق وزیر اطلاعات فواد چوہدری نے میڈیا سے گفتگو کرتے ہوئے کہا کہ مارشل لا کے راستے میں کوئی رکاوٹ ہے تو تحریک انصاف ہے اور عمران خان کی وجہ سے ملک میں مارشل لا نہیں لگا ہے۔
انہوں نے کہا کہ شہباز شریف کو کوئی آواز بھی دے دے تو وہ جہاز پکڑ کر باہر چلے جاتے ہیں۔
"ہفتے کے دن لاکھوں لوگ پنڈی میں ہوں گے”
فواد چوہدری کا کہنا تھا کہ راولپنڈی میں کتنے دن بیٹھیں گے یہ انشا اللہ ہفتے کو طے کریں گے، آج بھی راولپنڈی میں تیاریاں جاری ہیں، خیمہ بستی لگائی جارہی ہے، جمعہ کی رات کو 35 سے 40 ہزار لوگ راولپنڈی پہنچ چکے ہوں گے اور ہفتے کے دن لاکھوں لوگ پنڈی میں ہوں گے۔
مزید اپڈیٹ جاری ہے۔۔۔۔۔۔۔۔۔۔