The news is by your side.

Advertisement

پٹرولیم مصنوعات کی قیمتوں میں اضافہ ، فواد چوہدری دفاع کیلئے میدان میں آگئے

اسلام آباد : وزیر اطلاعات فواد چوہدری نے پٹرولیم مصنوعات کی قیمتوں میں اضافے پر اپوزیشن کی تنقید کو مسترد کرتے ہوئے کہا عالمی منڈی میں تیل مہنگا ہو تو حکومت قیمت کیسے نہ بڑھائے؟

تفصیلات کے مطابق وفاقی وزیر اطلاعات فوادچوہدری نے سماجی رابطے کی ویب سائٹ ٹوئٹر پر اپنے بیان میں کہا اپوزیشن پٹرولیم مصنوعات کی قیمتوں پرتنقیدکر رہی ہے، کسی بھی تنقیدکااہم پہلویہ ہوتاہےکہ آپ متبادل دیتےہیں۔

فواد چوہدری نے سوال کیا کہ عالمی منڈی میں تیل مہنگاہوتوحکومت قیمت کیسے نہ بڑھائے ؟ کوئی جادوکاچراغ ہےتو بتا دیں۔

یاد رہے گذشتہ روز فاقی وزیر سائنس اینڈ ٹیکنالوجی شبلی فراز نے عوام کو مشورہ دیتے ہوئے کہا تھا کہ قیمت بڑھ گئی ہےتو پٹرول کم استعمال کریں۔

وفاقی وزیر کا کہنا تھا کہ جب مشکل وقت آتا ہے تو زندگی پہلے جیسی نہیں گزار سکتے ، حکومت کس کس چیزکوسبسڈائزکرے، حکومت کی ترجیح کھانےپینےکی چیزوں پرسبسڈی ہے، عالمی مارکیٹ میں قیمتیں 95 ڈالرز تک پہنچ گئی ہیں، حکومت اس میں کوئی ٹیکس نہیں ڈال رہی.

Comments

یہ بھی پڑھیں