The news is by your side.

Advertisement

عمران خان کے قد کا آدمی پورے پاکستان میں نہیں ہے، فواد چوہدری

جہلم : وفاقی وزیر فواد چوہدری نے اپوزیشن کو تنقید کا نشانہ بناتے ہوئے کہا کہ اپوزیشن جماعتوں کو چاہیے کہ پاکستان کو آگے بڑھانے کی کوششوں میں رخنہ نہ ڈالیں۔

وفاقی وزیر سائنس اینڈ ٹیکنالوجی فواد چوہدری نے ان خیالات کا اظہار میڈیا سے گفتگو کرتے ہوئے کیا، انہوں نے کہا کہ مسلم لیگ نواز والوں کی آج کل پارٹی میں کوئی نہیں سن رہا تو باہر کون سنے گا، موجودہ حالات کے تناظر میں اپوزیشن کی ساری لیڈر شپ تتربتر ہے۔

فواد چوہدری نے اپوزیشن جماعتوں پر تنقید کے نشتر برساتے ہوئے کا کہا کہ عمران خان کو چھوڑیں پہلے یہ فیصلہ کریں اپوزیشن کرنی کس نے ہے، ابھی تک ن لیگ اور پیپلزپارٹی میں طے نہیں ہوسکا ان کا لیڈر کون ہے۔

ان کا کہنا تھا کہ سب سے پہلے اپنا اپنا لیڈر تلاش کریں پھر عمران خان کے استعفے کی بات کریں، عمران خان کے قد کا آدمی پورے پاکستان میں نہیں ہے۔

انہوں نے کہا کہ کسی کو کوئی مسئلہ نہ ہو، حکومت 5 سال پورے کرے گی، کسی کو پسند ہو یا نہ ہو عمران خان کے ساتھ ہی پاکستان کا گزارہ ہے، وزیراعظم اس وقت اہم مسائل، کرونا وبا سے نمٹ رہے ہیں۔

وفاقی وزیر کا کہنا تھا کہ حکومت معیشت کی بہتری کیلئے در پیش مسائل کا مقابلہ کررہی ہے۔

فواد چوہدری نے مزید کہا کہ سندھ میں ایک جے آئی ٹی سامنے آئی ہے جس میں بہت کچھ ہے، پیپلز پارٹی کی لیڈر شپ کے حوالے سے اہم انکشافات سامنے آئے ہیں۔

fb-share-icon0
Tweet 20

Comments

comments

یہ بھی پڑھیں