The news is by your side.

Advertisement

عدالتی فیصلہ کا احترام کرتے ہیں، ثابت ہوگیا نواز شریف کوکوئی بیماری نہیں ذہنی دباؤ ہے،فواد چوہدری

اسلام آباد : وزیراطلاعات  فواد چوہدری کا کہنا ہے عدالتوں کے فیصلوں کو تسلیم کریں گے، ثابت ہوگیانواز شریف کوکوئی بیماری نہیں ذہنی دباؤ ہے ، بیرون ملک جانے پر پابندی خوش آئند ہے، شہباز شریف کا نام ای سی ایل سے نکالنے کے ہائی کورٹ کے فیصلے کو سپریم کورٹ میں چیلنج کریں گے۔

تفصیلات کے مطابق وزیراطلاعات فوادچوہدری نے وفاقی کابینہ کے اجلاس پر میڈیا بریفنگ دیتے ہوئے کہا سکھ پربندھک کمیٹی پر فیصلے کی اہمیت کرتاپور راہداری کی وجہ سے ہے، راہداری کیلئے 10رکنی گروبندک کمیٹی تشکیل دیدی گئی ہے ، کرتارپور راہداری نومبرمیں کھلے گی۔

کرتارپورراہداری نومبرمیں کھول دی جائےگی

فواد چوہدری کا کہنا تھا اسلام آبادمیں عمارات کی بلندی پرپابندی ختم کردی گئی ہے، پابندی ختم ہونے کے بعد سی اے اے اور سی ڈی اے سے اجازت کی ضرورت نہیں، وزیراعظم نےسی ڈی اے، ایل ڈی اے کو شہر نہ پھیلانےکی ہدایت کی، تجارتی مراکزمیں بلندعمارتوں کیلئےاین اوسی کی ضرورت نہیں۔

وزیراطلاعات نے کہا اجلاس میں نئی سول ایوی ایشن پالیسی کی منظوری دے دی گئی ہے، نئی پالیسی کامقصدہوابازی سےمتعلق صنعتوں کی بحالی ہے۔

نئی سول ایوی ایشن پالیسی کی منظوری

ان کا کہنا تھا وزیراعظم کی سیاحت کے فروغ میں بہت دلچسپی ہے، برطانیہ ،یواےای ،چین سمیت 5ملکوں کےلیےای ویزےکی سہولت ہے، 120 ملکوں کے لیے آن آرائیوال ویزے کی سہولت دیں گے، سیاحوں کے لیے بہت سے علاقوں میں اجازت کی ضرورت ختم کردی ہے۔

سیاحوں کے لیے بہت سے علاقوں میں اجازت کی ضرورت ختم کردی

فواد چوہدری نے کہا مسافر طیارے درآمد کے لیے 12 سال سے بڑھا کر مدت 18سال کردی، 30 سال پرانا کارگو طیارہ درآمد کی اجازت بھی دیدی گئی اور ہم نےاوپن اسکائی پالیسی ختم کردی ہے، عالمی ایئرلائنز کے ساتھ معاہدوں پر نظرثانی کریں گے۔

وزیراطلاعات کا کہنا تھا پاکستان میں اس وقت ملکی سفربہت مہنگاہے، ٹی پی ٹی کالائسنس 2اورپائلٹ کالائسنس5سال کےلیےہوگا، ہماری کوشش ہےکہ ملک میں سیاحت کوفروغ دے سکیں۔

سپریم کورٹ کی جانب سے نواز شریف کی ضمانت کے حوالے سے انھوں نے کہا عدالت نے نوازشریف کو6ہفتے کے لئے ضمانت دی ہے، پتہ نہیں نواز شریف کے لیے ضمانت کا لفظ مناسب ہے یا نہیں، ہم عدالت کے فیصلے کا احترام کرتے ہیں، نواز شریف کا سارا کچا چٹھا عدالت میں کھل گیا، ثابت ہوگیا ان کو بیماری نہیں، ذہنی دباؤ ہے۔

نوازشریف کاساراکچاچٹھاعدالت میں کھل گیا، ثابت ہوگیانوازشریف کوبیماری نہیں،ذہنی دباؤ ہے

وزیراطلاعات کا کہنا تھا نوازشریف کےبیرون ملک جانےپرپابندی کافیصلہ اچھاہے، نوازشریف کوٹھیک مشورہ یہ ہےکہ عوام کے پیسے واپس کریں، ایسا نہیں ہوسکتا کہ پیسے بھی واپس نہ کریں اور باہر بھی چلےجائیں۔

شہباز شریف کا نام ای سی ایل سے نکالنے کے عدالتی حکم پر فواد چوہدری نے کہا شہباز شریف کا نام ای سی ایل سے ہٹانے کا فیصلہ چیلنج کریں گے، علاج کرانے کے لیے لندن سےکم نہ جانا بہت عجیب سی بات ہے۔

شہبازشریف کانام ای سی ایل سےہٹانےکافیصلہ چیلنج کریں گے

پیپلز پارٹی سے متعلق ان کا کہنا تھا بلاول بھٹو نے ایک سیاسی حرکت کی ہے، پہلی بار سرکار کو پیسےدیے، مراد علی شاہ کہہ رہے ہیں کہ سندھ کاحصہ بڑھانا چاہیے، این ایف سی ایوارڈ سے ملنے والاپیسہ کیا دبئی میں جائےگا، جو بھی ان کےفرنٹ مین ہیں وہ حکومت میں فرنٹ سیٹوں پر ہیں۔

وزیراطلاعات نے کہا پیپلزپارٹی میں وزیراعلیٰ اور اسپیکرسندھ اسمبلی کرپشن میں ملوث ہیں، مطالبہ کیاگیا کہ شہبازشریف کو چیئرمین پی اے سی بنایا جائے، دونوں جماعتوں کے قول اور فعل میں کوئی فرق نہیں ہے، دونوں نےکرپشن کی ایسے تقلید جیسے بی جے پی آر ایس ایس کی کرتی ہے، دونوں جماعتوں نےکرپشن کو نظریہ بنا دیا ہے۔

فواد چوہدری کا کہنا تھا نیب کیس کےملزمان کوپی اےسی میں شامل کردیاگیاہے، پیپلز پارٹی نے کرپشن پر نظریے کے طرح عمل کیا ، کہتیں ہیں سب کو پکڑ  رہے ہیں، ایسا بتائیں جوکرپشن میں ملوث نہیں، ملک میں کہیں بھی علاج کی تو پہلے ہی پیشکش موجود تھی جبکہ لاہور میں گرین ایریاور کھلے علاقے ختم ہوگئے ہیں۔

Comments

comments

یہ بھی پڑھیں