The news is by your side.

Advertisement

ٹیکنالوجی پر فوکس اور اپنی رفتار کو تیز کرنے کی ضرورت ہے، فواد چوہدری

اسلام آباد: وفاقی وزیر سائنس اینڈ ٹیکنالوجی فواد چوہدری نے کہا ہے کہ ٹیکنالوجی پر فوکس اور اپنی رفتار کو تیز کرنے کی ضرورت ہے۔

تفصیلات کے مطابق وفاقی وزیر سائنس اینڈ ٹیکنالوجی فواد چوہدری نے سائبر اینڈ اسپیس سے متعلق تقریب سے خطاب کرتے ہوئے کہا کہ سائبر سیکیورٹی بڑا چیلنج ہے جس کا آج دنیا کو سامنا ہے، آئیڈیاز دنیا کو آگے لے کر جاتے ہیں۔

فواد چوہدری نے کہا کہ 1962 میں پاکستان نے اسپیس پروگرام شروع کیا تو بھارت اور چین اسپیس پروگرام میں اس وقت موجود نہیں تھا۔

انہوں نے کہا کہ 1964 میں پانی پر تحقیق کا ادارہ پاکستان میں بنا، پہلے ایشیائی ممالک میں تھے جنہوں نے فائبر اپٹک کا پروجیکٹ شروع کیا۔

مزید پڑھیں: سائنس و ٹیکنالوجی کیلیے جنون، فواد چوہدری پرجوش الفاظ پر اپنے لیڈر وزیراعظم کے شکرگزار

فواد چوہدری نے کہا کہ ملٹری ریسرچ کے سویلین سائیڈ پر استعمال کی ضرورت ہے، پاکستان کا مستقبل روشن ہے اور یہ سائنس ٹیکنالوجی پر منحصر ہے۔

واضح رہے کہ دو روز قبل فواد چوہدری نے تقریب میں اپنے بارے میں پرجوش الفاظ پر وزیراعظم عمران خان کا شکریہ ادا کیا تھا۔

یاد رہے وزیر اعظم عمران خان نے نسٹ میں تقریب سے خطاب کرتے ہوئے کہا تھا کہ فواد چوہدری کی ٹی وی پر پرفارمنس لوگوں نے دیکھی ہے، لوگ کہتے تھے آپ سنجیدہ نہیں انہیں سائنس و ٹیکنالوجی کا وزیر کیوں بنایا۔ اچھے کپتان کو پتہ ہوتا ہے اچھے پلیئرز کو کس وقت کھلانا ہوتا ہے۔

وزیر اعظم کا کہنا تھا کہ سائنس و ٹیکنالوجی کے لیے جو جنون فواد چوہدری نے دکھایا اس پر داد دیتا ہوں، مجھے اندازہ نہیں تھا کہ اس یونیورسٹی میں کتنا زبردست کام ہو رہا ہے۔ ہر چیز ایک وژن سے شروع ہوتی ہے۔

Comments

comments

یہ بھی پڑھیں