The news is by your side.

Advertisement

نواز شریف قومی مجرم ہے، انصاف ہوتا نظر آنا چاہئے، فواد چوہدری

اسلام آباد: پاکستان تحریک انصاف کے رہنما فواد چوہدری نے کہا ہے کہ نواز شریف پر پاکستان کے 300 ارب روپے باہر لے جانے کا الزام ہے، ان پر منی لانڈرنگ سمیت دیگر الزامات ہیں، نواز شریف قومی مجرم ہے، انصاف ہوتا نظر آنا چاہئے۔

ان خیالات کا اظہار انہوں نے اسلام آباد میں نیوز کانفرنس کرتے ہوئے کیا، فواد چوہدری نے کہا کہ عمران خان کی ہدایت پر پی ٹی آئی وفد نے کلثوم نواز کی عیادت کی، شریف خاندان کے ساتھ ہمارا کوئی ذاتی جھگڑا نہیں ہے۔

انہوں نے کہا کہ 9 ماہ سے احتساب عدالت میں شریف خاندان کے خلاف مقدمہ چل رہا ہے، نواز شریف اور ان کے وکلاء تاخیری حربے استعمال کررہے ہیں، تاخیر کی وجہ سے شریف خاندان کو مقدمات پر سزائیں نہیں ہورہی ہیں۔

ترجمان تحریک انصاف کے مطابق نگراں حکومت کی کارکردگی بہت سست ہے، کل کاغذات نامزدگی کی جانچ پڑتال کا آخری دن ہے، پنجاب، سندھ میں اب تک ایڈمنسٹریشن کو تبدیل نہیں کیا جاسکا، پنجاب، سندھ میں سابقہ حکومتوں کی وفادار بیٹھے ہیں، جب تک نظام میں تبدیلی نہیں کی جائے گی معاملات آگے نہیں بڑھیں گے۔

فواد چوہدری نے کہا کہ نواز شریف اور ن لیگ کے قریبی لوگ اب تک عہدوں پر براجمان ہیں، جن لوگوں پر اعتراضات اٹھائے تھے ان پر الیکشن کمیشن اب تک نظر نہیں ڈالی، نگراں حکومت کو تیزی کے ساتھ انتظامی تبدیلیاں کرنی چاہئے۔

انہوں نے کہا کہ ریحان خان پیچھے ہٹی ہیں تو افتخار چوہدری نامی شخص سامنے آگیا ہے، افتخار چوہدری کے کردار سے سب واقف ہیں، وہ عمران خان کے خلاف دوبارہ رائے ونڈ کا کام کررہے ہیں، افتخار چوہدری نے 2013 میں ن لیگ کے ساتھ معاہدہ کیا تھا، نواز شریف نے افتخار چوہدری کو صدر بنانے کا وعدہ کیا اور پھر مکر گئے، انہوں نے پھر نواز شریف کے خلاف باتیں کیں پھر چپ ہوگئے۔

ترجمان تحریک انصاف کے مطابق افتخار چوہدری پاکستان کے نظام پر ایک ناسور کی طرح ہیں، ارسلان افتخار کا بلیک میلنگ کا مقدمہ نیب میں ہے، کارروائی کیوں نہیں ہوئی، وہ جو کھیل کھیل رہے ہیں اس سے سیاست کو نقصان پہنچا ہے۔

فواد چوہدری نے کہا کہ پی ٹی آئی کے خلاف ن لیگ کا میڈیا سیل منظم سازشیں کررہا ہے، عمران خان اور میری جعلی ویڈیوز بنا کر سوشل میڈیا پر بھیجی جاتی ہیں جبکہ پی ٹی آئی نے پارٹی ٹکٹ میریٹ کی بنیاد پر دئیے ہیں۔

انہوں نے کہا کہ سوشل میڈیا پر اے آر وائی نیوز کے خلاف سازشوں کی مذمت کرتا ہوں، کسی میڈیا ہاؤس کے خلاف سازش کے حق میں نہیں، سیاسی جماعتوں میں غلط کام پر مثبت تنقید کرنا میڈیا کا حق ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں