5 سال میں ایک کروڑسے بھی زیادہ نوکریاں دیں گے ،وزیراطلاعات فوادچوہدری
The news is by your side.

Advertisement

5 سال میں ایک کروڑسے بھی زیادہ نوکریاں دیں گے ، وزیراطلاعات فواد چوہدری

نرم وملائم بسترپرسونےوالوں سےآج حساب مانگا جارہا ہے، فواد چوہدری

جہلم : وزیراطلاعات فوادچوہدری کا کہنا ہے کہ 5سال میں ایک کروڑسےبھی زیادہ نوکریاں دیں گے ، عمران خان کی قیادت میں وہ تبدیلی آئی جس کا تصور نہیں کیاجاسکتاتھا، نرم وملائم بستر پر سونے والوں سےآج حساب مانگا جارہا ہے۔

تفصیلات کے مطابق وفاقی وزیراطلاعات فواد چوہدری نے جہلم میں میڈیا سے گفتگو کرتے ہوئے کہا کہ منگلا ایک خوبصور ت جگہ ہے، سمندر پار پاکستانی کثیر زرمبادلہ پاکستان بھیجتے ہیں، منگلا سمندر پار پاکستانیوں کاگڑھ ہے، عمران خان کی قیادت میں وہ تبدیلی آئی جس کا تصور نہیں کیا جاسکتا تھا۔

وزیراطلاعات کا کہنا تھا کہ  ان کی 7 نسلوں میں کسی نےکام نہیں کیا، ہل میٹل،العزیزیہ کے نام پر اربوں روپے بیرون ملک لےگئے، حسن اور حسین نواز نے اربوں کی پراپرٹی بیرون ملک بنائی ہوئی ہیں ، حسن اورحسین نواز پاکستان آکر کہتے ہیں ہم تو یہاں کے شہری ہی نہیں، یہ کہتے ہیں نوازشریف سے اظہار یکجہتی کیلئے کوٹ لکھپت جیل پہنچے، کوٹ لکھپت جیل کے باہر15 سے20 لوگ نہیں تھے۔

عمران خان کی قیادت میں وہ تبدیلی آئی جس کا تصورنہیں کیا جاسکتا تھا

فوادچوہدری نے کہا کہ آصف زرداری اورن لیگ ایک نئی تحریک شروع کرنےجارہے ہیں، کہتے ہیں ہم نےاربوں روپے غیرقانونی کمائے، اب عمران خان واپس لے رہا ہے، عوام سے کہتے ہیں ان پیسوں کو بچانے کیلئے ہمارے لیے باہر نکلیں،  روزانہ باہر نکل کر نئی منطق پیش کی جارہی ہے، ہم نے ہر بات پر سمجھوتہ کرنا تھا تو عمران خان کو وزیراعظم بنایا ہی کیوں۔

معصوم بنےکہتےہیں پاکستانی نہیں تو باہرپیسہ ملکہ برطانیہ سے رشتہ داری میں بنایا

ان کا کہنا تھا کہ  معصوم بنےکہتے ہیں پاکستانی نہیں تو باہر پیسہ ملکہ برطانیہ سے رشتہ داری میں بنایا، احتساب اپنے منطقی انجام تک پہنچےگا، اسی لیے ان کی چیخیں آسمان تک جاتی ہیں، کبھی طبیعت توکبھی کہتے ہیں جیل میں ہیٹرخراب ہوگیا، نرم وملائم بستر پر سونے والوں سے آج حساب مانگا جارہا ہے۔

وزیراطلاعات نے کہا آج ہمارے پاس اسکول،ٹیچر نہیں،اس کی وجہ کرپشن ہے، کرپشن کی وجہ سے یہ لوگ سارا پیسہ پاکستان سے باہر لے گئے، 7 مہینے ہو گئے کرپشن کا کسی وزیر کا اسکینڈل سامنے نہیں آیا، قومی خزانہ بھی پریشان ہے یہ کون سےلوگ آگئے کسی نے لوٹا نہیں۔

قومی خزانہ بھی پریشان ہےیہ کون سےلوگ آگئےکسی نےلوٹانہیں

فوادچوہدری کا مزید کہنا تھا کہ  کشمیرسےلےکربلوچستان تک ہرشخص ہرمسئلےپربات کی، تمام مسائل کوایڈریس کیاجارہاہے،کچھ حل بھی کررہےہیں، معاشی صورتحال بہترکرنےکیلئےدن رات کام کررہےہیں، وعدہ کیا تھاپاکستان میں ایک کروڑنوکریاں دیں گے، 5سال میں ایک کروڑسےبھی زیادہ نوکریاں دیں گے، عمران خان نے 50 لاکھ گھر بنانے کا وعدہ کیا وہ بھی پورا کریں گے۔

پاکستان میں   2019 معاشی تکمیل کا سال  ہوگا

انھوں نے کہا کہ غریب طبقے کے حقوق کا تحفظ کر رہے ہیں، سرمایہ داروں پر بوجھ ڈالیں گے، ہماری کوشش ہے انڈسٹری بڑھے، تمام مسائل کاحل نکال رہے ہیں، اوورسیز پاکستانیوں سے درخواست ہے، لیگل طریقے سے پاکستان رقم بھیجیں، حوالہ ہنڈی کے بجائے بینکنگ چینلز کے ذریعے پاکستان بھیجیں۔

وزیراطلاعات کا کہناتھا کہ  اوورسیز پاکستانیوں نے پہلے بھی پاکستان کی بہت مدد کی ہے، 2018 پاکستان میں سیاسی تکمیل کا اور   2019 معاشی تکمیل کا سال ہوگا۔

Comments

comments

یہ بھی پڑھیں