نواز شریف سیاسی مستقبل نہیں اپنے ذاتی مستقبل کی فکر کریں، فواد چوہدری fawad chaudhry
The news is by your side.

Advertisement

نواز شریف سیاسی مستقبل نہیں اپنے ذاتی مستقبل کی فکر کریں، فواد چوہدری

لاہور: وفاقی وزیر اطلاعات فواد چوہدری نے کہا ہے کہ ہماری نواز شریف سے ذاتی لڑائی نہیں ہے، نواز شریف سیاسی مستقبل نہیں اپنے ذاتی مستقبل کی فکر کریں۔

ان خیالات کا اظہار انہوں نے لاہور میں میڈیا سے گفتگو کرتے ہوئے کیا، فواد چوہدری نے کہا کہ نواز شریف کا ذاتی مستقبل مخدوش نظر آرہا ہے، باورچی کے اکاؤنٹ میں سے پیسے گئے، 80 کروڑ روپے مریم نواز کو گئے، چاہتے ہیں ہماری حکومت ن لیگ کی حکومت سے مختلف ہو۔

وزیر اطلاعات نے کہا کہ وزیراعظم بلدیاتی نظام سے متعلق بریفنگ لے رہے ہیں، موجودہ بلدیاتی نظام آئین کی بنیادی شرط پر پوری نہیں کرتا، نئے بلدیاتی نظام میں بلدیاتی نمائندہ بااختیار ہوگا۔

انہوں نے کہا کہ شہباز شریف حکومت نے ایک لاکھ 10 ہزار کروڑ روپے خرچ کیے، لاہور پر اتنا پیسہ لگا پھر بھی بارش میں پانی جمع ہوجاتا ہے، پنجاب حکومت کو میٹروبسیں چلانے کے لیے 8 ارب سالانہ دینا ہیں، کے پی، پنجاب حکومت نے بلدیاتی نظام کے لیے 48 گھنٹے مزید لیے ہیں۔

فواد چوہدری نے کہا کہ وزیراعظم عمران خان کے وژن کے مطابق چلیں گے، عمران خان پنجاب کے وزرا کو ٹارگٹس دے رہے ہیں، ن لیگ سے جب ریکارڈ مانگا آگ لگ گئی، وزیراعظم نے آگ لگنے کے تمام واقعات کی تحقیقات کا حکم دیا ہے، پی ٹی آئی کا سیاسی مارجن بہت اچھا ہے، امید ہے ضمنی الیکشن میں زیادہ تر نشستیں جیتں گے۔

وزیر اطلاعات نے کہا کہ 70 سال سے لڑ رہے ہیں، پاکستان نے امن کی بات کی، نواز شریف جیسے پاناما میں پھنسے مودی طیارہ اسکینڈل میں پھنسے، بھارت اندرونی سیاست میں ہمیں نہ گھسیٹے، بھارت کو خوش فہمی ہے وہ اوپر چلا جائے خطہ نیچے رہے یہ نہیں ہوگا۔

Comments

comments

یہ بھی پڑھیں