The news is by your side.

‘بہادر آدمی ، قوم اے آر وائی کے ساتھ ہے’

اسلام آباد : تحریک انصاف کے رہنما فواد چوہدری نے اے آر وائی نیوز کے ہیڈ عماد یوسف کو بہادر آدمی قرار دیتے ہوئے کہا قوم اے آر وائی کے ساتھ ہے۔

تفصیلات کے مطابق تحریک انصاف کے رہنما فواد چوہدری نے اے آر وائی نیوز کے ہیڈ عماد یوسف کی رہائی پر سماجی رابطے کی ویب سائٹ ٹوئٹر پر اپنے پیغام میں کہا کہ بہادر آدمی ، قوم اے آر وائی کے ساتھ ہے۔

یاد رہے آج اےآروائی نیوز ہیڈعماد یوسف کو ملیر کورٹ میں پیش کیا گیا ، جہاں پولیس کی جانب سے ریمانڈ کی استدعا کی گئی جس پر ان کے وکیل نعیم قریشی نے مخالفت کرتے ہوئے موقف اپنایا کہ عماد یوسف کیخلاف مقدمہ بےبنیاد ہے، بتایاجائے کہ عماد یوسف کا کیا کردارہے؟

نعیم قریشی ایڈووکیٹ نے کہا کہ ٹی وی چینل کی نشریات کی شکایت ہے تو پیمرا کو مدعی ہونا چاہیے تھا، عدالت میں پیش مواد میں عماد یوسف کے خلاف الزامات کا کوئی ثبوت نہیں۔

بعد ازاں عدالت نے پولیس کی استدعا مسترد کرتے ہوئے اے آروائی کے ہیڈ آف نیوزعماد یوسف کی ضمانت منظور کرلی تھی۔

عدالت نے اےآروائی کے ہیڈ آف نیوزعماد یوسف کے خلاف کیس ختم کرتے ہوئے الزامات سے بری کردیا تھا۔

Comments

یہ بھی پڑھیں