نتائج سے ثابت ہوا عوام پی ٹی آئی کے ساتھ ہیں، فواد چوہدری -
The news is by your side.

Advertisement

نتائج سے ثابت ہوا عوام پی ٹی آئی کے ساتھ ہیں، فواد چوہدری

اسلام آباد: وفاقی وزیرِ اطلاعات فواد چوہدری نے کہا ہے کہ ضمنی انتخابات کے ابتدائی نتائج کا رجحان ثابت کر رہا ہے کہ عوام پاکستان تحریکِ انصاف کے ساتھ ہیں۔

تفصیلات کے مطابق ضمنی انتخابات 2018 کے غیر حتمی غیر سرکاری نتائج پر تحریک انصاف کا ردِ عمل سامنے آ گیا، وزیرِ اطلاعات نے کہا کہ نتائج ثابت کر رہے ہیں کہ عوام کس پارٹی کے ساتھ ہیں۔

اسٹیٹس کو کی علامت جماعتیں ناکام ہوگئیں: وزیرِ اطلاعات

فواد چوہدری نے میڈیا سے گفتگو کرتے ہوئے کہا کہ ضمنی الیکشن میں پی ٹی آئی ایک بار پھر بڑی جماعت بن کر سامنے آ گئی ہے، تمام صوبوں میں پی ٹی آئی کی نمائندگی نظر آ رہی ہے۔

وزیرِ اطلاعات کا کہنا تھا کہ ضمنی انتخابات میں تحریکِ انصاف حقیقی معنوں میں وفاق کی علامت بن کر ابھری ہے، اسٹیٹس کو کی علامت جماعتوں نے مل کر تبدیلی کا راستہ روکنے کی کوشش کی۔


براہ راست دیکھیں:‌ ضمنی انتخابات 2018، 11 نشتوں‌ کے غیر حتمی غیر سرکاری مکمل نتائج موصول


وفاقی وزیرِ اطلاعات فواد چوہدری نے اپوزیشن جماعتوں کو تنقید کا نشانہ بناتے ہوئے کہا کہ اپوزیشن جماعتیں مخصوص حلقوں اور علاقوں تک محدود ہو کر رہ گئی ہیں۔

خیال رہے کہ ملک بھر میں قومی اور صوبائی اسمبلی کی 35 نشتوں پر ہونے والے ضمنی انتخابات کے غیر حتمی اور غیر سرکاری نتائج کی آمد کا سلسلہ جاری ہے۔

Comments

comments

یہ بھی پڑھیں