اسلام آباد : تحریک انصاف کے رہنما فواد چوہدری کا کہنا ہے کہ ٹیکس کی بھرمار کے باعث موبائل فونز کی درآمد میں اڑسٹھ فیصد کمی انتہائی تشویشناک ہے۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا ہے کہ موبائل فونزکی درآمد میں 68 فیصدکمی ہوئی ہے یہ انتہائی تشویشناک ہے، اس کی بنیادی وجہ موبائل پرٹیکس کی بھرمارہے۔
فواد چوہدری کا کہنا تھا کہ آج موبائل فون کمیونیکیشن معیشت کےاہم ترین ستونوں میں سےایک ہے، حکومت عقل کرے اور ٹیکس میں کمی کرے، موبائل فونزکی درآمد میں کمی ہمیں شدید متاثر کرے گی۔
موبائل فونز کی درآمد میں 68% کمی ہوئ ہے یہ انتہائ تشویشناک ہے، اس کی بنیادی وجہ موباہلز پر ٹیکس کی بھرمار ہے آج موبائل فون کمیونیکیشن معیشت کے اہم ترین ستونوں میں سے ایک ہے حکومت عقل کرے اور ٹیکس کو Rationalise کرے ورنہ موبائل فونز کی درآمد میں اتنی بڑی کمی ہمیں شدید متاثرُکرے گی
— Ch Fawad Hussain (@fawadchaudhry) October 20, 2022
یاد رہے موبائل فونز کی درآمدات میں جاری مالی سال کے پہلے تین ماہ میں سالانہ بنیادوں پر56 فیصد کمی ریکارڈ کی گئی۔
اس حوالے سے پاکستان بیورو برائے شماریات کی جانب سے جاری کردہ اعداد و شمارکے مطابق پہلی سہ ماہی جولائی تا ستمبر 2022تک کی مدت میں موبائل فونز کی درآمدات 35ارب90کروڑ روپے رہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں