انتخابات کے بعد انتقال اقتدار کو انتہائی سنجیدگی سے لینے کی ضرورت ہے:‌ فوادچوہدری
The news is by your side.

Advertisement

نوٹیفیکشن کا معاملہ، پی ٹی آئی نے چیف جسٹس سے صورت حال کا جائزہ لینے کا مطالبہ کر دیا

انتخابات کے بعد انتقال اقتدار کو انتہائی سنجیدگی سے لینے کی ضرورت ہے:‌ فوادچوہدری

اسلام آباد: ترجمان پاکستان تحریک انصاف فواد چوہدری نے کہا ہے کہ انتخابات کے بعد انتقال اقتدار کو انتہائی سنجیدگی سے لینے کی ضرورت ہے۔

ان خیالات کا اظہار انھوں نے الیکشن کمیشن کی جانب سےعمران خان کی کامیابی کےنوٹیفکیشن روکے جانے کے معاملے پر ردعمل دیتا ہوئے کیا۔

فواد چوہدری کا کہنا تھا کہ انتخابات کے بعد اب انتقال اقتدار کا مرحلہ درپیش ہے، جو سنجیدگی کا متقاضی ہے۔

انھوں نے کہا کہ انتقال اقتدارمیں تعطل سے ملک اور عوام براہ راست متاثرہوں گے، اس کے باعث معاشی، پالیسی سے متعلق مسائل مزید پیچیدہ پیدا ہونے کے امکانات ہیں۔

پاکستان تحریک انصاف کا ترجمان کا کہنا تھا کہ یہ سب مسائل براہ راست ملک پر شدت سے اثر انداز ہو سکتے ہیں۔


عمران خان کی 3 حلقوں سے کامیابی کا مشروط نوٹیفکیشن جاری


فواد چوہدری نے مطالبہ کیا کہ چیف جسٹس، الیکشن کمیشن اور ماتحت عدالتیں صورت حال کا جائزہ لیں، کیوں کہ اس تعطل اورتاخیر سےانتخابات پرشکوک وشبہات جنم لیں گے۔

یاد ہے کہ آج الیکشن کمیشن آف پاکستان نے انتخابات 2018 میں کامیاب امیدواروں کی کامیابی کے نوٹیفیکیشن جاری کیے ہیں۔

دو حلقوں سے پی ٹی آئی کے چیئرمین عمران خان کی کامیابی کا نوٹی فکیشن روک دیا گیا ہے، جب کہ تین حلقوں سے مشروط نوٹی فکیشن جاری کیا گیا ہے۔

Comments

comments

یہ بھی پڑھیں