اسلام آباد : سابق وفاقی وزیر فواد چوہدری کا کہنا ہے کہ یہ بات طے ہو گئی ہے کہ بجلی کے بلوں میں کمی نہیں ہونی۔
تفصیلات کے مطابق سابق وفاقی وزیر فواد چوہدری نے انسداددہشتگردی عدالت کےباہر میڈیا سے گفتگو کرتے ہوئے کہا کہ یہ بات طے ہو گئی ہے کہ بجلی کے بلوں میں کمی نہیں ہونی، حکومت بجلی،تیل اورتنخواہ دارطبقوں پرٹیکس لگا کر پیسہ کمارہی ہے۔
سابق وفاقی وزیر کا کہنا تھا کہ اپوزیشن لیڈرکی نااہلی یہ ہے 7ماہ بعدبھی علیحدہ علیحدہ احتجاج کررہےہیں، جماعت اسلامی پاکستان نے کراچی میں احتجاج کیا کچھ نہیں ہو سکا، جب تک اپوزیشن جماعتیں اکٹھی نہیں ہوتیں حکومت کوفرق نہیں پڑے گا۔
انھوں نے کہا کہ پاکستان میں صنعت بندہو گئی ہےایکسپورٹ کا بیڑا غرق ہو گیا ہے، اس وقت معیشت بالکل تباہ و برباد ہو گئی ہے اور حکومت پیسے بنا رہی ہے، پی ٹی آئی کے 25 لوگ لاپتہ ہیں مگر کسی کو پروانہیں۔
